Foz, 8 de maio de 2015.- O Colexio Martínez Otero de Foz, desde o seu Equipo de Dinamización Lingüística, está a desenvolver unha ampla variedade de actividades enmarcadas dentro da festividade do Día das Letras Galegas que ten por obxectivo a exaltación da lingua de Galicia a través da súa manifestación literaria.
A relación de actividades implica a todos os niveis educativos do Centro e busca dinamizar o uso da nosa lingua entre os máis novos á vez que se fai unha posta en valor da nosa cultura.
Deste xeito, o Colexio participou na edición deste ano do CORRELINGUA, organizado en Ribadeo, onde un dos nosos alumnos (Jhoseba Alba) resultou gañador da carreira na proba masculina e unha das nosas alumnas (Paula Díaz) ocupou o terceiro posto na proba feminina. O alumnado de 2º e 3º Ciclo de Ciclo de Primaria participou na FESTA DA LINGUA (Organizada por Escolas Católicas de Galicia) celebrado o día 6 na cidade de Lugo.
Para os máis pequechos do Colexio tivo lugar unha sesión de CONTACONTOS levada a cabo, o xoves día 7, por unha representación do alumnado de 4º da ESO baixo a coordinación dalgúns profesores do Centro. (Acompáñase foto)
O ritmo non para nas semanas que veñen xa que está convocado un CERTAME LITERARIO, na modalidade de poesía, no que pode participar o alumnado de 2º e 3º Ciclo de Primaria e Secundaria. A entrega de premios aos mellores poetas será o xoves 21 ao rematar o Concurso de Deletreo.
Asemade, teremos o pracer de contar no colexio co GRUPO DE TEATRO AFECCIONADO “PICO DO CASTRO” que nos visitarán para levar a escena a peza “De vello, gaiteiro”. A representación terá lugar o mércores 13 de maio ás 15h20 no Salón de Actos do Colexio.. O teatro non remata esa semana xa que, o venres 15 de maio ás 12h15 no Salón de Actos, os alumnos de 6º de Primaria, dirixidos pola súa titora María Elvira Alonso, levarán a escena unha obra con moita sona no noso centro: A tía Lambida. Estas dúas actividades, ademais, estarán abertas a tódlas familias do noso entro, e se algún veciño tamén nos quere acompañar, é benvido.
Tamén teremos tempo para a música cun CONCERTO DIDÁCTICO onde Alberto Pombo (filólogo e músico) porá música, e explicación, a moitos dos poemas galegos máis coñecidos. O concerto terá lugar o mércores 20 de maio ás 15h20 no Salón de Actos do noso Centro.
Para pechar o noso mes das Letras Galegas contaremos coa terceira edición do CONCURSO DE DELETREO. A actividade, que enfrontará aos dous mellores equipos de cada clase desde 3º de Primaria ata 4º da ESO, será o xoves día 21 ás 15h20 da tarde no Salón de Actos.
Ademais, temos en marcha unha actividade chamada “Falo galego porque….” que consiste en que o alumnado do centro exprese, mediante post-its de dúas cores (brancos e azuis), as razóns e/ou os motivos polos que se expresan en galego ata conformaren a bandeira galega. Nesta actividade participa desde 6º de Infantil ata 4º da ESO. Asemade, no Centro, teñen unha presenza moi destacada os murais dos autores e autoras máis destacados da Literatura Galega e que foran homenaxeados co Día das Letras Galegas (feitos por alumnado de diferentes cursos).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
