Santiago, 13 de maio de 2015.- O Grupo Popular defendeu na mañá deste mércores no Parlamento que nas negociacións para a sinatura dun novo convenio bilateral de pesca entre España e Portugal se demande un marco igualatorio para a flota de arrastre de fondo Cantábrico-Noroeste mediante a prohibición da actividade pesqueira a fin de semana dos buques de bandeira portuguesa que faenan en augas xurisdicionais españolas da zona VIIIc e IXa.
O deputado popular Vidal Martínez-Sierra lembrou que no mes de xullo de 2014 o Grupo Popular apoiou a aprobación dunha iniciativa en defensa dos intereses da flota galega do literal, na que se poñía especial énfase na necesidade de garantir a igualdade de condicións no marco do acordo pesqueiro bilateral entre España e Portugal.
Desvantaxe competitiva
“O principal obxectivo perseguido por esta iniciativa conxunta era que os buques de arrastre de bandeira portuguesa que faenan nas augas xurisdicionais españolas das zonas VIIIc e IXa do caladoiro cantábrico noroeste tamén realizasen o descanso semanal obrigatorio en fin de semana, tal e como establece a normativa vixente para os buques españois”, sinalou o deputado popular. Deste xeito, engadiu que “se poría fin a unha situación inxusta que supón unha desvantaxe competitiva para a flota galega”.
Martínez-Sierra reiterou que “o Grupo Popular segue comprometido con ese acordo e me consta que tamén o están tanto a Xunta de Galicia como o Ministerio de Medio Rural e Mar co obxectivo de que os arrastreiros galegos e portugueses poidan competir en igualdade de condicións e oportunidades no mar e nos mercados”.
Neste sentido, apuntou que a Xunta “leva xa máis dun ano traballando, xunto ao sector, para levar ao papel a proposta que todos apoiamos nesta Cámara” e mostra deste traballo co sector é o labor da Federación Galega de Confrarías, xa se conseguiu a consideración desta necesidade por parte da Federación Nacional de Confrarías.
Novo acordo
“Por parte da Secretaría Xeral de Pesca tamén se está a traballar con ese obxectivo, iniciando os labores de preparación dun novo acordo no seo do Comité Luso-Español de Pesca, no que tratará de incorporar as posicións e demandas do sector en sendas xuntanzas celebradas en Madrid e Lisboa en marzo e abril deste ano, respectivamente, e nas que participaron representantes do sector galego, entre os cales estaban os do arrastre de litoral”, explicou Vidal Martínez-Sierra.
O deputado popular apuntou que nestas xuntanzas “Galicia non so ten como obxectivo esta parada da flota de arrastre na fin de semana, senón outras cuestións coma a eliminación dos chamados cacharros na zona do acordo fronteirizo ou a mellora das autorizacións para o cerco”.
“En todo caso, traballar nesta vía non é nin foi obstáculo para adoptar aquelas medidas que permitisen reforzar, no posible, un control que tendese á igualdade entre as flotas de arrastre, e de feito hoxe é imposible para a flota portuguesa descargar en España nas fins de semana, salvo que o peixe sexa destinado á súa venda ou transformación fóra de territorio español”, anotou.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
