O Presidente en funcións da Deputación de Lugo, José Ramón Gómez Besteiro, felicitou este domingo durante a celebración do último Pleno da actual Corporación Provincial a todos os seus integrantes polo traballo levado a cabo neste mandato. “Quero compartir os meus bos desexos de éxito para todos os Deputados, que tanto traballaron dende diferentes posicións políticas, pero todos por e para a provincia, polo que é de agradecer”, subliñou.
Gómez Besteiro salientou que “é unha verdadeira satisfacción que a Deputación de Lugo se teña convertido nestes últimos 8 anos nunha institución útil para os cidadáns. Síntome orgulloso da normalidade democrática coa que os lucenses empregan e gozan cada día dos servizos e instalacións públicas desta institución. É unha honra que hoxe a Deputación sexa a Casa dos Concellos, pero tamén a Casa de todos os lucenses. Fixemos da Deputación unha institución útil, pegada ás necesidades dos lucenses e capaz de reorientar as súas políticas en funcións delas, ben con plans de obra pública, ben con emprego, con participación cidadá, como os Orzamentos Participativos”.
“Fomos capaces de responder ás necesidades da provincia, mantendo a solvencia económica: hoxe temos débeda cero, cando a recibimos nós era de 122 millóns de euros. Isto permitirá á nova Corporación Provincial adquirir compromisos cos cidadáns sen estar limitados pola existencia dunha débeda económica. Demostramos que este goberno progresista soubo gobernar mellor. E, ademais, estendemos esta responsabilidade económica ás empresas que traballan coa administración grazas ás cláusulas sociais que blindan os dereitos dos traballadores”.
“Todo isto non sería posible sen os funcionarios e traballadores desta casa. Demostraron saber adaptarse aos novos tempos nos que cambiaron os horarios, nos que esta institución viviu unha revolución tecnolóxica sen precedentes, nos que estreamos exitosos departamentos, como o de fondos europeos. Estou moi agradecido a todos e cada un deles, sen excepcións, porque foron servidores públicos con maiúsculas da provincia de Lugo”, sentenciou.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
