Mondoñedo, 21 de xuño de 2015- A Delegación de Deportes do Concello de Mondoñedo está preparando as actividades que vai organizar para este verán, entre elas os cursos de natación.
Os cursos de natación serán para todos os grupos de idades e niveis, estando aberta a Delegación a máis grupos se fora necesario.
Os grupos son:
CURSO DE INICIACIÓN (4, 5 anos): luns, mércores e venres de 12.00 a 12.45 horas.
CURSO DE INICIACIÓN (maiores de 6 anos): martes, xoves e sábado de 12.00 a 12.45 horas.
CURSO DE PERFECCIONAMENTO, nivel 1 (nenos pequenos): luns, mércores e venres de 13.00 a 13.45 horas.
CURSO DE PERFECCIONAMENTO, nivel 2 (Grupo de competición): martes, xoves e sábado de 13.00 a 13.45 horas.
CURSO DE INICIACIÓN ADULTOS: luns, mércores e venres de 14.00 a 14.45 horas.
CURSO DE PERFECCIONAMENTO ADULTOS: luns, mércores e venres de 15.00 a 15.45 horas.
Todos os que se queiran apuntar poderán facelo a través do teléfono 605 790 091 ou ben acudindo ás instalacións das piscinas os dous primeiros días de xullo (1 e 2), onde os monitores organizarán sesións de xogos abertas a socios e xente que saque a súa entrada para ese día, e faranse clases abertas a maiores, entre outras cousas para ver o nivel dos alumnos.
A Delegación de Deportes recorda que xa se pode sacar o bono para as Piscinas nas Oficinas da Abanca. Alí páganse as taxas correspondentes e nas piscinas sácase o bono das mesmas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
