Ribadeo, 13 de xullo de 2015.- O concelleiro de Deportes, David Rivas, e o presidente do Ribadeo FC, Víctor López, presentaron a sesenta e catro edición do trofeo Emma Cuervo, que disputarán o Deportivo da Coruña e o Club Deportivo Lugo o vindeiro 25 de xullo. No acto estiveron acompañados polo alcalde, Fernando Suárez, e polo técnico de Deportes, Iván López.
O presidente do Ribadeo FC, Víctor López, explicou que “este partido celebrarase no noso estadio, o Pepe Barrera, o 25 de xullo ás 19:30 horas e este ano vai ser entre dous equipos galegos: o Club Deportivo Lugo e o Real Club Deportivo da Coruña. Coincide ben neste senso porque ademais é o Día de Galicia e supón unha anécdota máis que se enfronten dous equipos galegos nesta edición nesa xornada festiva”.
López lembrou que “hai anos, desde o 2009, que non se enfrontaban dous equipos galegos no Emma Cuervo; naquel caso foran o Ferrol e o Lugo e tamén temos que recordar que no ano 1987 tamén se enfrontaran o Lugo e o Deportivo da Coruña”.
O presidente do club organizador fixo algunha puntualización: “quero aclarar, porque moita xente mo di, que se rompeu a tradición de traer un equipo asturiano e un galego, pero ás veces non se pode facer o que un quere, neste caso polos problemas e as datas nas que están dispoñibles os equipos, porque un pode vir nunha data pero outro non. Entón este ano xurdiu así e será con dous equipos galegos porque o Deportivo non cambiaba a data do 25 de xullo, o Oviedo podía vir o 2 de agosto, pero o Lugo non; e o Spórting de Gijón só podía o mércores, 5 de agosto. Entón no había forma de xuntar un equipo asturiano cun galego”.
Víctor López considera que “tamén coincide ben porque vai haber unha reunión de peñas ese mesmo día pola mañá. E aproveito para agradecer á Peña Deportivista Ribadeo a organización dese evento, en especial ao seu presidente, José Luis Barrera, porque ese ambiente que vai haber pola mañá o 25 de xullo vainos axudar moito pola presenza de peñas do Deportivo nesa xuntanza. E tamén virán peñas do Lugo”.
O concelleiro de Deportes, David Rivas, amosouse convencido de que “vai ser un grande éxito esta edición do Emma Cuervo polo luxo que supón ver xogar no Pepe Barrera ao Deportivo da Coruña, que é un equipo referente tanto da liga profesional de fútbol española como a nivel europeo; é un equipo que ten demostrado que pode estar á altura de calquera dos grandes clubs. E, por outro lado, o Club Deportivo Lugo, que está facendo un xogo moi atractivo e dinámico e está consolidándose na Segunda División. Ademais o CD Lugo conta co aliciente de ter un xogador ribadense, como é o dianteiro Daniel Pedrosa, que esperamos poder velo xogar aquí. E sabemos que acaba de contratar esta última semana a outro rapaz ribadense para os xuvenís, que é Adrián García. Estamos convencidos de que vai ser un espectáculo á altura das expectativas e pensamos que os clubs e as afeccións, tanto no campo como fóra del, van dar un exemplo de deportividade e civismo, que ao final é do que se trata”.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
