O parque de San Francisco acolle entre este venres 3 e o domingo 5 de xullo a Feira do Libro de Ribadeo que permanecerá aberta entre as 12.00 e as 14.00 horas e as 18.00 e as 22.00 horas coa participación das librarías Aenea, Nobel, Balmes, Gran Enciclopedia Galega, Librería Anticuaria Galgo, Servizo de Publicacións da Deputación de Lugo, Vivín, PícarosMundi e Gráficas Santiago.
Xa o venres, trala súa apertura, se desenvolverán actividades de animación á lectura entre as 18.00 e as 20.00 horas. Armando Requeixo presentará o seu libro Mondoñedo literario ás 19.00 horas, antes da inauguración oficial a cargo de Farruco Graña, concelleiro de Cultura, e o pregón a cargo de Xavier R. Baixeras, ás 20.00 horas.
As actividades da xornada completaranse coa actuación do grupo de corda da EMMeD de Ribadeo ás 20.30 horas e un sorteo ás 21.30 horas.
O sábado entre as 11.30 e as 13.30 horas desenvolverase un obradoiro de creación de libros pop up e escritura creativa; mentres que de 12.00 a 14.00 horas Xavier R. Baixeras ofrecerá un percorrido poético por Ribadeo. Inés Fernández presentará As tres xarolas ás 12.30 horas.
Dende A Mesa pola Normalización Lingüística, Mónica Pazos, presenta en Ribadeo ás 18.00 horas Coñece o abecedario. E, igual que o venres, o sábado 4 de 18.00 a 20.00 horas desenvolveranse actividades de animación á lectura.
Ás 19.00 horas Marta Dacosta presenta Dun lago escuro. E xa ás 20.30 horas Cándido Pazó ofrecerá o seu espectáculo ‘Candideces’.
Finalmente, a xornada pecharase ás 21.30 horas cun sorteo e a presentación de Maridaxes literarias: viños e libros en La Galería 56 organizada por Picarosmundi Librerías en colaboración con Legado Gourmet.
E a última xornada desta Feira do Libro de Ribadeo comezará ás 11.30 horas cun novo obradoiro de creación de libros pop up e escritura creativa que se estederá ata as 13.30 horas.
Ás 12.20 horas o alumnado da EMMeD ofrecerá a performance ‘Orballo’, antes da presentación de Tempos do norte, a cargo de Mónica Justo e Roberto Martínez, ás 12.30 horas.
Ás 13.00 tamén haberá unha exhibición de danza no Cantón.
Xa pola tarde, ás 18.30 horas, presentarase Xoguetes naturais. Argalladas dos pícaros a cargo de José Manuel García que se completará cun obradoiro.
E antes do sorteo das 21.30 horas presentarase ás 19.30 horas A casa do vapor, de Maumarela, coa colaboración da Deputación Provincial e a concellería de Cultura do Concello de Ribadeo.
E ás 20.30 horas, o grupo de teatro de Ribadeo ofrecerá a representación de ‘O inspector (fragmento)’.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
