Ribadeo, 25 de agosto de 2015.- Setenta e dúas persoas participarán no IV Fórum Innovación e Formación sobre Vehículos, que se celebrará desde este mércores en Ribadeo, organizado pola Asociación de Profesores de Automoción de Galicia.
O presidente de Apaga, Álvaro Doural, explicou este martes pola mañá que “as perspectivas son boas, hai unha serie de relatores importantes e incorpóranse actividades novas, como o taller de motocicletas, temas de diagnose e ademais vaise dedicar unha parte importante aos programas europeos nos que a asociación está traballando neste momento, pois hai tres proxectos en marcha”.
Nas instalación do hotel O Cabazo ata o venres “tamén se vai recordar a historia de Citroën, que é a marca que vamos expoñer este ano durante a mostra de vehículos clásicos do sábado e o domingo. Vamos ter vehículos do grupo Peugeot-Citroën, entre os que haberá algunhas reliquias importantes dos anos 1919 e 1920, que nos vai ceder unha empresa de Barres e que son un Peugeot e un Citroën Torpedo, que era como se chamaba no seu momento, que son dignos de que a xente veña a velos porque son dúas pezas de museo importantes. E tamén teremos vehículos novos, que están saíndo ao mercado agora”.
O IV Fórum de Innovación e Formación sobre Vehículos dará comezo mañá ás 10:00 horas coa conferencia que pronunciará Jaime García Aguado, que é profesor da Escola Robert Bosch. Ata o venres haberá charlas e talleres de soldadura, climatización, aerografía, moticicletas e diagnose.
Os asistentes ao evento chegan procedentes de Castela-León, Asturias, Navarra e Galicia, entre outras comunidades.
De xeito complementario Apaga organiza tamén a III Mostra de Vehículos Clásicos, que terá lugar os días 29 e 30 de agosto. Álvaro Doural conta que “os horarios de visita serán a partir das 10 da mañá ata as 14 horas e despois de 4 a 8 da tarde. Contaremos con máis de 20 vehículos clásicos e unha decena de coches novos; e incluso algúns estarán matriculados, para que a xente os poida probar. Estarán nos xardíns do hotel O Cabazo”. A entrada é gratuíta.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
