Burela, 10 de setembro de 2015. A oficina de turismo de Burela recibiu en agosto 2.000 visitas. A ocupación hoteleira media situouse no 95%. Os datos deunos a coñecer esta mañá o concelleiro de Turismo, Ramiro Fernández.
O edil socialista explicou que “no mes de agosto recibimos cerca de 2.000 visitas na oficina de turismo. Un 30,66% dos turistas que chegaron a Burela eran madrileños, o 15,25% de Castela-León, o 10% galegos e outro 10% vascos. Estas foron as procedencias máis destacadas”.
Fernández Rey tamén ofreceu datos sobre a ocupación hoteleira en agosto: “a media de ocupación en hoteis roldou o 95% de ocupación, e como norma xeral a tendencia foi á alza con respecto ao ano 2014. En canto á hostalería tamén se notou un importante incremento de clientes con respecto ao ano anterior, polo que a valoración que facemos dende o Concellería de Turismo é positiva”. O concelleiro entende tamén que “estes datos son facilmente mellorables si somos capaces de traballar xunto co sector en materia turística. Estamos convencidos que estes datos deben e teñen que mellorar e nesa liña de colaboración co sector é na que imos seguir. É preciso facer unha aposta forte por potenciar as capacidades turísticas que nos poden dar o tanto o porto e como as nosas praias”.
Festival Osa do Mar
Ramiro Fernández Rey fixo balance do recentemente celebrado festival Osa do Mar: “xerou movemento no pobo e despois de contactar cos hostaleiros a valoración é moi boa. Dende o Concello seguiremos apoiando iniciativas que consideremos que son positivas para darlle relevancia ao pobo, e traballar para que a xente que nos visite teña alternativas de ocio que faga que o sector hostaleiro poida aproveitar este tipo de eventos e actividades para xerar riqueza económica e crear postos de traballo, que tan necesarios son nos tempos que corren”. O concelleiro de Turismo engadiu: “animamos aos membros da asociación Fanto Fantini a traballar da maneira na que o están a facer, colaborando na dinamización do pobo. Este equipo de goberno estará apoiándoos en todo momento, como fixemos dende que entramos”.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
