A pasada fin de semana no marco incomparable dos Picos de Europa e ó abeiro do imponente Picu Urriellu celebrábase a asambleia constituínte do Toxiza Clube de Montaña.
A iniciativa xorde dende o corazón dos vals de Lourenzá e Mondoñedo, pero ó mesmo tempo abertos ó mundo, a todos aqueles que sexan de onde sexan queiran COMPARTIR, EXPLORAR, DESCUBRIR a inmensidade da beleza infinita dos nosos montes e montañas, en definitiva pretendemos ser un punto de encontro para os amantes desa natureza que nos da todo sen esperar nada a cambio….
Inicialmente partimos con tres grandes obxectivos:
1- A defensa do noso entorno natural e a intención de dar a coñecer esa Mariña de interior, esa Mariña de paraísos perdidos cheos de vida que fican a caron deses grandes cumios coma a Pena da Roca, Toxiza, Cadramón ou o Xistral.
2- Realizar roteiros, viaxes ou travesias de alta montaña noutras cordilleiras como poden ser os Picos de Europa, Gredos , Pirineos ou Alpes
3- Outro obxectivo será levar adiante o equipo para as carreiras de montaña, un deporte que tentaremos promocionar na nosa zona organizando a segunda edición da Toxiza Clasica Xtrem, un carreira realmente diferente, única e espectacular..
Como ben di o noso lema, “que xamais os teus pasos queden sen camiño” porque non importa cal sexa o teu reto, a túa ilusión, o teu soño. É igual que sexa escalar o Everest, subir a Cornería ou pasear a carón do Masma, aquí tes un espazo onde misturar deporte, natureza e amizade.
A xunta directiva do club está constituída por Xavier Valoria Esmorís coma presidente; Martín Pardiñas Díaz, secretario; Miguel Paz Sixto, tesoureiro; e Siro Maseda Varela e Xavier Berdeal-González Berdeal, coma vogais.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
