Viveiro, 19 de setembro de 2015.- O voceiro do Partido Popular de Viveiro, abaixo asinante, en nome propio e no do grupo municipal do PP, presenta ó Pleno, para o seu debate e aprobación se procede, a seguinte moción para o remate das pistas de atletismo en Lavandeiras – Celeiro
EXPOSICIÓN DE MOTIVOS
No ano 2004 o goberno bipartito PSOE- BNG presidido por Melchor Roel, anunciaba en diversos medios de comunicación – tal e como se pode comprobar por exemplo en A Mariña de a Voz de Galicia o 25 de abril de 2004 – a realización dunhas instalacións deportivas na explanada de Lavandeiras, que transformarían a entrada de Celeiro.
Falábase de facer un campo de fútbol, unha pista de aeromodelismo, dúas pistas de tenis, unha pista polideportiva e unha pista de atletismo de 100 m. de aglomerado asfáltico. Falábase dunha inversión global que superaría os 440.000 euros con cargo a distintas administracións – Ministerio de Administracións Públicas, Diputación e Concello -. Sinalábase así mesmo que todas estas obras se executarían nese ano 2004.
O certo é que 11 anos despois, daquel macroproxecto so se fixo o campo de fútbol de Lavandeiras, campo que na actualidade só sirve para a celebración do Resurrection Fest, o cal está moi ben, pero non se utiliza para o fin que foi creado que non é outro que a práctica do fútbol. Deste xeito o recén creado equipo de fútbol de Celeiro Club del Mar– esta será a súa segunda temporada – non pode xogar os seus partidos neste campo por non estar habilitado a ditos efectos, tendo que facelo lonxe de Celeiro.
No pasado pleno ordinario do dous de setembro, e ante unha moción presentada por outro grupo relativa a necesidade dunha instalación deportiva céntrica, o grupo do Partido Popular sinalabamos a necesidade de rematar as mencionadas instalacións de Lavandeiras, centrando a nosa petición no remate das pistas de atletismo.
Non hai moito tempo, concretamente o 24 de xullo deste ano, e neste mesmo salón de Plenos se lle rendía unha merecida homenaxe o noso atleta Adrián Ben, que viña de colleitar un gran éxito nos mundiais xuvenís de Colombia como colofón a unha traxectoria que empeza a ser xa moi destacada. Nese mesmo acto a Sra. Alcaldesa se comprometía a facer todo o posible para que Adrián dispuxese dunhas instalacións adecuadas para adestrar en condicións.
Por todo o comentado con anterioridade, dende o grupo do Partido Popular pensamos que é o momento de rematar as mencionadas pistas de atletismo, posto que non so temos un gran atleta que precisa dispor dunhas instalacións en condicións para seguir progresando, senón que seguro que hai moitas persoas que queren practicar o atletismo nunhas boas condicións de saúde e seguridade, dispoñendo dunhas instalacións adaptadas para a práctica desta modalidade deportiva.
Por este motivo propoño ó pleno da Corporación a aprobación dos seguintes ACORDOS:
ACORDOS
1 – Instar á Sra. Alcaldesa para que busque a financiación axeitada, en colaboración con outras administracións, para o remate das mencionadas pistas de atletismo en Lavandeiras, de xeito que sexan unha realidade o máis pronto posible.
2 – Informar ó Pleno das actuacións levadas a cabo, a medida que se vaian producindo.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
