O Grupo Provincial Socialista esixe a Candia que cumpra coas decisións xudiciais e reclame ao “seu compañeiro de pupitre”, ao Deputado do PP e Alcalde de Castro de Rei, Francisco Balado, 500.000 euros que adebeda aos lucenses. Así o ditou o Tribunal Superior de Xustiza de Galicia nunha sentenza firme que obriga a Balado a devolver medio millón de euros de cartos públicos, é dicir, de todos os cidadáns, que lle adiantou o organismo provincial no 2011 para obras que non foi capaz de executar, aínda concederlle unha prórroga para facelas, prexudicando, deste xeito, aos veciños de Castro de Rei. A nefasta xestión de Balado foi tal que o TSXG o obriga a pagar tamén as custas xudiciais, estimadas noutros 1.000 euros.
A Deputada do PSOE, Pilar García Porto, salientou que “non entendemos porqué Candia non pide estes cartos a Balado. Ou ¿e que quere prevaricar ou ben levar a cabo algunha operación escurantista dende a Deputación co que dar diñeiro a Balado para compensalo e xustificalo ante os veciños de Castro de Rei, que teñen que sufrir un Alcalde que perde cartos para o seu Concello pola súa absoluta desidia, pois está máis preocupado dos seus asuntos persoais que polas necesidades municipais?. Estaremos pendentes das súas manobras caciquís” alertou a socialista á Presidenta. “Candia debería acatar esta firme sentenza e defender os intereses dos lucenses e non os do Partido Popular ou os individuais que poida ter Balado”, remarcou.
Cronoloxía dos feitos
No ano 2011, a Deputación de Lugo asinou un convenio de colaboración co Concello de Castro de Rei, polo cal o organismo provincial lle adiantaba cartos do seu Orzamento dese ano co obxectivo de realizar melloras nas traídas de augas das parroquias de Quintela, Bendia, Duarría, Loentia e Castro de Ribeiras de Lea. O prazo máximo de execución remataba en decembro de 2011.
Malia contar xa cos cartos nas arcas municipais, Balado solicitou unha prórroga, pois aínda tiña sen executar a maioría das obras, cando estaba a piques de rematar o prazo de execución. A Deputación concedeulle outros dous meses. O Alcalde non aproveitou este tempo. De feito, tal e como detalla literalmente a sentenza do TSXG, Balado non executou “un 72%, case as ¾ partes, do importe da subvención”.
Seguidamente, o Deputado do PP e Rexedor pediu unha segunda prórroga, cando a Deputación xa non contaba con marxe legal para darllo, pois xa deixara de estar en vigor o convenio de colaboración. Por este motivo, o organismo provincial tivo que solicitar a Balado a devolución dos cartos adiantados. Sen embargo, o Alcalde optou por presentar un recurso contencioso-administrativo contra esta obriga legal da Deputación.
Esta rematou cunha primeira sentenza do Xulgado do Contencioso nº2 de Lugo que considerada “inadmisible” o recurso e condenaba a Balado a devolver 360.000 euros, é dicir, unha parte dos cartos adiantados. O xulgado considerou que “non resulta en ningún modo admisible que o feito de que a parte que obtén a subvención sexa unha administración pública sexa motivo de dispensa de cumprir as normas de tramitación esixibles a calquera cidadán”.
Balado recorreu esta sentenza e presentou un recurso de apelación ante o Tribunal Superior de Xustiza de Galicia, que deu novamente a razón á Deputación de Lugo, obrigando ao Deputado e Alcalde do PP devolver o importe total adiantado (500.000 euros) e pagar as costas xudiciais (estimadas uns 1.000 euros).
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
