Santiago de Compostela, 21 de outubro de 2015.- Para o deputado de Alternativa Galega de Esquerda (AGE) Ramón Vázquez, os orzamentos da Xunta para o ano 2016 supoñen, no que respecta a Lugo, sete millóns de euros menos. É dicir, pretenden maquillar “a desfeita provocada por sete anos de neoliberalismo, retalladas continuas e privatizacións” pero, “aínda por riba, recortando as partidas”. Concretamente, os investimentos do Goberno galego na provincia diminúen en case dez euros por habitante.
A maiores, no documento de planificación do gasto da Xunta para 2016 non figuran problemas básicos de Lugo. “Son moitas as necesidades desatendidas, entre outras un novo xulgado de instrución ou o reforzo humano e material dos xulgados da cidade”, explica Vázquez, “a rehabilitación do Barrio da Tinería ou fondos para o antigo cuartel de San Fernando”. O servizo de hemodinámica 24 horas no hospital de Lugo tamén non se atopa nos orzamentos de 2016. “Nin un plan específico para o rural, nin medidas para o sector lácteo, por exemplo”, engade.
“Os orzamentos anuncian, en vésperas electorais, investimentos en infraestruturas viarias para o transporte particular, pero esquecen as verdadeiras necesidades da veciñanza de Lugo”, esténdese o parlamentario de Alternativa, “como o emprego, a vivenda, a atención á dependencia, a sanidade, o ensino”. E nin sequera haberá investimento ningún para unha estación intermodal.
Entrementres, a Xunta de Alberto Núñez Feijóo fai gala das súas estrambóticas prioridades económicas e dedica máis de cinco millóns de euros para que o aeródromo de Rozas (Castro de Rei) sexa empregado para probas de drons polo Ministerio de Defensa. Ao tempo, denuncia Vázquez, “destínanse cartos ao Centro Integral de Formación Profesional das Mercedes, cando hai unha sentenza dos tribunais que ditaminou a falta de motivación da reconversión deste centro e provocouse unha severa falla de prazas na zona sur da cidade”
Colexio no Sagrado Corazón de Lugo
O deputado Ramón Vázquez valora positivamente que a iniciativa aprobada no Parlamento por unanimidade, a instancias de Alternativa Galega de Esquerda, si teña un reflexo nas contas da Xunta, que dedican así unha partida á construción dun novo colexio no barrio do Sagrado Corazón da cidade de Lugo. “Este novo centro educativo”, indica Vázquez, “deberá estar rematado en 2018, cando finaliza o convenio de cesión da antiga caixa de aforros, hoxe Abanca”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
