Santiago, 8 de outubro de 2015.- O portavoz da área forestal do Grupo Parlamentario Popular de Galicia, Jose Manuel Balseiro, defende que reciban máis axudas da Xunta aqueles titulares de montes que dispoñan dun instrumento de ordenación ou xestión forestal sustentable, isto é, os montes ordenados.
José Manuel Balseiro defenderá unha proposición non de lei na Comisión de Agricultura e Montes que terá lugar mañá no Parlamento de Galicia, na que insta ao Goberno galego a introducir nas convocatorias de subvencións relacionadas co ámbito forestal as ferramentas necesarias de discriminación positiva en beneficio daqueles montes que conten con estes instrumentos de ordenación.
INCENTIVO PARA ORDENAR O MONTE
Os instrumentos de ordenación ou xestión forestal sostible son un documento técnico que recolle un estudo dun monte e unha proposta de xestión que debe garantir a preservación e mellora das súas masas forestais e ordena as prácticas de selvicultura a realizar neses espazos.
A discriminación positiva nas axudas públicas suporá un incentivo á hora de ordenar un monte, á vez que permitirá obter múltiples vantaxes: un monte ordenado é un espazo que recibe maior valor dos aproveitamentos de madeira e no que se garante o mantemento da súa biodiversidade e da súa produtividade. “É a mellor garantía para a conservación e renovación dos bosques”, explica Balseiro
PLANIFICACIÓN FORESTAL SOSTIBLE
Na actualidade, en Galicia, a primeira potencia forestal en España, só o 10 por cento da superficie do monte está ordenado e só o 8 por cento presenta certificados de xestión forestal sustentable.
Na estratexia forestal da Xunta, a planificación sostible foi sempre un elemento central da súa acción política. Así, desde o Goberno galego veñen impulsando distintas iniciativas normativas para conseguir precisamente este obxectivo: a propia Lei de montes, os decretos que a desenvolven e as instrucións forestais ou o catálogo de boas prácticas na xestión dos montes galegos, entre outras.
Balseiro explica tamén que esta iniciativa nace coa mirada posta no ano 2019, data límite a partir da cal non se permitirán aproveitamentos (incluídas cortas de madeira para uso comercial) a aqueles propietarios que posúan estes instrumentos de ordenación ou xestión forestal, por iso, “é preciso establecer mecanismos que premien a aqueles que se están dotando ou xa se dotaron destas ferramentas”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
