Barcia e Fraga falaron da nova EDAR coa conselleira de Medio Ambiente

Burela, a 13 de novembro de 2015.- Aproveitando un acto político do Partido Popular provincial, o portavoz do PP burelés, José María González Barcia, e a concelleira e membro da candidatura ó Senado, María del Mar Fraga Fernández, mantiveron este xoves un pequeno encontro coa Conselleira de Medio Ambiente e Ordenación do Territorio, Beatriz Mato Otero, para intercambiar opinións no tocante a actuacións da indicada consellería no concello burelés.

José María González Barcia quixo destacar e agradecer a disponibilidade de Breatriz Mato para poder manter esta pequena entrevista, e tamén recoñecer a colaboración da propia Mato Otero co concello de Burela nas súas diversas etapas con responsabilidades da Xunta de Galicia.

Gonzalez Barcia e Fraga Fernández fixéronlle entrega a Beatriz Mato dun dossier sobre cuestións relativas ó concello burelés que son da súa competencia. Entre todas elas, a máis importante é a solución ós problemas da actual estación depuradora de augas residuáis, EDAR. O portavoz popular, José María González Barcia, manifestou que “a solución, tal e como se concretou coa Xunta nos meses fináis do noso mandato no goberno municipal, pasa pola construcción dunha nova EDAR, logo de que técnicos de Augas de Galicia comprobasen ‘in situ’ a realidade da nosa rede de colectores e a situación da actual EDAR”.

“A nova EDAR, segundo Barcia, tal e como dixemos desde o noso goberno municipal, ocupará unha superficie estimada de non moito máis dos 1.200m2, estará ubicada xusto ó lado da actual, e corresponderase co modelo coñecido como ‘compacto’, dado que boa parte da mesma vai por debaixo da cota cero. En todo caso, a Consellería pode facer cambios no proxecto, ainda que o indicado é a liña a seguir”.

O portavoz popular indicou que “o compromiso da Xunta está fóra de toda dúbida. Para o exercicio de 2016, o presuposto da Consellería de Medio Ambiente fixa unha contía de 2.598.055’00€ para saneamento e depuración no noso concello, co que con este importe pódese elaborar o proxecto, sacar a obra a concurso, adxudicala, e mesmo as obras poderían comenzar a fináis do vindeiro ano”.

González Barcia lembrou que “a fináis do pasado marzo do presente ano, a por aquela conselleira de Medio Ambiente, Ethel Vázquez, indicou que no marco dos fondoS FEDER para o período 2014/2020, e dentro dos 87’8M€ contemplados para saneamento das rías e de ampliación e millora das estacións depuradoras de augas residuáis, está incluida a actuación no noso concello, xunto coa de Lalín, con máis de 15.000 habitantes equivalentes”.

O portavoz do GMP burelés puxo de relevo que “Portos de Galicia tén coñecemento da actuación que se quere levar a cabo, máis coherente ca inicialmente prevista, de instalar unha planta na zona de O Berbés, que colisionaría cos intereses de ABSA e mesmo podería perxudicar a actividade económica da lonxa, algo que se quere impedir. De aí que se buscara unha fórmula alternativa”.

“En todo caso, rematou Barcia, como impulsores deste proxecto, estaremos por suposto mui en contacto coa Xunta de Galicia para que chegue a bon porto. Atrancos foron aparecendo nestes pasados anos, e foron superados. Agora agardamos que non haxa ninguén que, por que sí ou por facerse notar, se lle ocurra poñer paus nas rodas a unha obra que, sendo como é mui necesaria para Burela, costou moito traballo sacala adiante. E estou seguro que pola Xunta de Núñez Feijoo e a súa conselleira Beatriz Mato non ha quedar”.