Ribadeo, 30 de novembro de 2015. A Asemblea de Mulleres de Galiza Nova realizou na tarde do sábado 28 de novembro un photocall contra a violencia machista nas Catro Rúas de Ribadeo.
As mozas da organización xuvenil do BNG quixeron realizar esta acción para chamar a atención sobre os diferentes tipos de machismo que están presentes no noso día a día.
A responsábel local da Asemblea de Mulleres, Andrea Martins, declarou que “o machismo está presente en moitas das accións cotiás, xa que non é só a violencia física, senón tamén o maltrato psicolóxico, económico, os insultos, os menosprezos… A resposta social das mulleres ten que ser contundente e clara, pois a violencia machista abáfanos, dende a monopolización do noso tempo até a tallaxe da roupa”.
Así mesmo, Andrea declarou que “os asasinatos son só a punta do iceberg, mais antes de chegar a iso é moi frecuente que existan outros tipos de violencia”.
Desde a Asemblea de Mulleres de Galiza Nova consideran que “é preciso a posta en marcha dunha política integral que free o machismo desta sociedade” xa que “isto é moi grave: estannos asasinando!”.
Ademais, a organizacíon xuvenil con motivo do 25N tamén, “ven de poñer en marcha na Mariña un concurso de fotografía para a denuncia da violencia machista. O prazo de presentación das imaxes estará aberto ata o vindeiro día 20 de Decembro e o gañador que escolla o xurado será obsequiado cunha potente cámara fotográfica”. As bases para concursar están a disposición das persoas interesadas na Web de Galiza Nova bases concurso fotografia feminista.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
