Ribadeo, 12 de novembro de 2015.- O Partido Popular interpelará ao Goberno galego no Parlamento de Galicia sobre a residencia de Ribadeo. O Grupo Municipal pediu aos deputados da Mariña, Jose Manuel Balseiro e Vidal Martínez-Sierra que presentasen unha iniciativa, xa rexistrada, para interesarse sobre esta cuestión.
“Cremos que as veciñas e os veciños merecen coñecer de primeira man, a través dunha resposta en sede parlamentaria, os datos que demostran o bloqueo á colaboración da Xunta que o alcalde mantén desde fai quince meses”.
RETARON AO ALCALDE
Os populares lembran que retaron ao alcalde a facer pública toda a documentación e incluso a solicitaron por vía oficial a través do rexistro do Concello, sen éxito, ata o de agora.
“Seguimos reclamando que o nacionalista Suárez Barcia dea a coñecer aos veciños a proposta de convenio de colaboración que a Xunta lle remitiu en agosto do ano pasado. Seguimos reclamando que dean a coñecer aos veciños as respostas incompletas remitidas polo Concello, que probarán que leva 15 meses sen remitir os documentos solicitados pola Xunta”.
QUINCE MESES DE ESPERA
O PP di que o goberno do BNG, non teñen dereito a impedir a colaboración da Xunta de Galicia para a construción da residencia de Ribadeo e lembran que desde a administración autonómica se presentaron dúas ofertas para axudar neste proxecto: a posibilidade de concertar 40 das 47 futuras prazas e, cando esta foi rexeitada polo alcalde, a posibilidade de achegar 500.000 euros para axudar á financiación das obras.
“Para facer realidade esta axuda o Goberno ten que cumprir a lei, e a lei esixe que o Concello presente diversa documentación e, entre elas un informe de viabilidade. Este informe dirá cómo se xestionará e financiará a futura residencia, e parece ser que agochar a resposta a estas preguntas é o único obxectivo do alcalde, que segue bloqueando a colaboración da Xunta”.
RECUPERAR CONSENSOS
Por outra banda, os populares concordan e agradecen a postura seguida por Ciudadanos, cando hoxe –a través do medios de comunicación- fai públicas as dúbidas que existen sobre o modo que o alcalde financiará a construción da residencia.
“É unha postura lóxica formular esta pregunta vendo como o alcalde nega a axuda da Xunta”.
Desde o PP insisten en que queren que a residencia poida ser unha realidade e por iso fan un chamamento para recuperar o consenso. Estarían incluso dispostos a sumarse á Comisión pro-residencia para o que é necesario que se cumpran dúas condicións: “Que se cumpra a lei e, polo tanto, que o Concello remita os informes, e que non se siga defendendo a un alcalde que cos seus actos de bloqueo pon en perigo a financiación da residencia”.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
