O PP de Burela afirma que “os móbiles ós que se refire o PSOE tiveron custe cero para concello”

Burela, 17 de decembro de 2015.- Ante a nota de prensa feita pública polo goberno municipal socialista, o Partido Popular de Burela quere manifestar o seguinte:

1 .- Os terminais móbiles, catro, ós que se refire o goberno socialista foron entregados ó concello en outubro do ano 2014. Non seis meses antes das eleccións, como din os socialistas.

2 .- É mentira que se mercaran os móbiles. Foron entregados pola operadora de telefonía móbil a conta dos puntos de bonificación por consumo que tiña o Concello.

3 .- Polo tanto, o custe real para o Concello foi de cero euros. É mentira que lle supuxeran ó Concello un custe de 2.200’00€.

4 .- É mentira que houbese “petición reiterada” de devolución dos terminais móbiles. Só houbo un único escrito remitido a principios de novembro deste ano.

5 .- Durante o goberno bipartito, houbo membros do goberno que tiveron números de teléfono adscritos ó concello.

6 .- Durante o bipartito, outros membros do goberno tiveron terminais de móbil (naquela época, tamén de última xeración) propiedade do concello. Entre eles, Alfredo Llano.

7 .- En 2011, logo de deixar a alcaldía, Alfredo Llano non devolveu o terminal de móbil propiedade do concello que usaba.

8 .- Tanto é así, que poucos días de deixar a alcaldía Alfredo Llano, de forma nada elegante xa que non tiña responsabilidades de goberno, canxeou o terminal móbil propiedade do concello que non devolvera por outro de tecnoloxía máis avanzada grazas ós puntos de bonificación por consumo, puntos que eran propiedade do concello.

9 .- Seguindo o criterio do PSOE, Alfredo Llano xa tiña que estar fóra da política desde 2011. Está a tempo de irse.

10 .- O anterior goberno municipal do PP nunca, en ningún momento, lle reclamou a ningún concelleiro, e tampouco ó Sr. Llano, a devolución de ningún terminal de móbil; petición que non nos parecía políticamente elegante.

11.- En materia de telefonía, o aforro anual durante o goberno municipal do PP con respecto ó bipartito foi de aproximandamente sete mil euros ano, dado que se suprimiron moitos terminais que non tiñan razón de ser.

12. Igualmente, o PSOE está tardando en sacar o concurso de comunicación telefónica que estaba preparando o goberno do PP. Algún interés terán, temos que pensar.

13.- Non nos sorprende que o PSOE recurra ós terminais de móbil. É tan nula a súa xestión, é tan nulo o balance que presentan ata agora, que con algo teñen que saír. O único que pretenden é enlordar a política municipal, esquecendo que están criticando o que eles practicaron no pasado. Pedímoslles que deixen de mentir e de criticar á oposición, e que se poñan a traballar dunha vez, que hora lles vai sendo. Porque xestión non hai, pero dietas comenza a habelas.