CxG Burela lamenta a falta de continuidade das charlas médicas na localidade

Burela, 24 de xaneiro de 2016.- O 9 de novembro en Burela tiña lugar unha actividade, programada polo Concello pero impulsada pola anpa dun centro público da localidade. A charla en cuestión abordaba un tema candente e importante, a meninxite B. Foi un éxito de asistencia e de repercusión, todos os medios de comunicación facían referencia a esta nova. Ata aquí CxG Burela apoia e comparte a xestión realizada.

Supoñemos que no calor mediático e de cobertura periodística do evento o noso Alcalde, que goberna sen rumbo a golpe de efecto en prensa, comprometía unha charla médica “cada mes ou mes e medio” supoñemos que seguindo un criterio de todo obxectivo: “a lo que salga”.

Según o compromiso do PSOE teriamos que ter disertado e gozado do consello de profesionais en tres ou cando menos dúas ocasións, a realidade e que van cero, como cero é a xestión de este “Alcalde”. Para CxG non é un tema menor, o sistema público de saúde é parte común de todos e todas e a pedagoxía neste senso é importante implicando a profesionais e a usuarios e clarificando dúbidas ou malos entendidos, máis se cabe, despos de todo este tempo de agresións e recortes do PP. Esta é a seriedade do PSOE de Burela.

Ao Sr. Llano e compañía válelle todo para saír na foto un día, pero tristemente para Burela, non pasan disto: do anuncio e da foto.

Estas actuacións demostran a falta de credibilidade dun Alcalde que non é nin capaz de cumprir coa palabra dada. Dende CxG Burela demandamos que se realicen as actividades prometidas, aínda que entendemos que é difícil cando o máximo responsable do Concello non lle fai caso nin ó seu equipo.