CxG Burela solicita ante os recentes roubos na zona que o alcalde convoque unha reunión de urxencia da Xunta Local de Seguridade

Burela, 29 de xaneiro de 2016.- Diante dos recentes asaltos e roubos acaecidos na nosa vila, xunto con outros pasados, dende CxG de Burela solicitamos publicamente que o Alcalde de Burela convoque unha reunión de urxencia da Xunta Local de Seguridade, este é un órgano importante de coordinación das distintas forzas de seguridade implicadas. A situación non é alarmante pero entendemos que é precisa unha actuación coordinada que cree sinerxías de aproveitamento dos recursos, que por desgracia son escasos. E que permita unha maior seguridade das persoas e negocios de Burela.

Vémonos na obriga de facer pública esta petición diante da actitude irresponsable e de clara deixadez de funcións do noso rexedor. Pode ser pola súa filosofía “slow”, pero por desgracia os amigos do alleo non son tan “slow”. Se tiveramos un alcalde pendente dos problemas xa tería que ter tomada de oficio esta decisión, pero cando se está máis pendente de Fitur e da Volta Ciclista, pode pasar que o importante se esqueza.

CxG de Burela fase eco das reivindicacións das asociacións de profesionais das Forzas de Seguridade e solicitamos máis medios humanos e de dotación para o noso cuartel da Garda Civil, é de recibo. Do mesmo modo entendemos que dende a Corporación é preciso un esforzo para recuperar as labores de seguridade cidadá nocturnas en Burela por parte da Policía Local.

Non se pode permitir unha nova agresión os servizos públicos que todos pagamos, a seguridade é un deles.