Mércores, 24 de febreiro de 2016.- Ante as acusacións vertidas polo portavoz socialista do Goberno bipartito na Deputación de Lugo en relación coa denuncia formulada polo Grupo Provincial do PP sobre as presuntas irregularidades para transformar o antigo hotel Miño na nova sede da UNED en Lugo
Os populares aclaran que:
– Estase a falar cos servizos xurídicos para estudar a posibilidade de interpor accións xurídicas ante os tribunais polas presuntas irregularidades xa denunciadas ante a Fiscalía.
– Lamentamos que o bipartito saque peito dunhas obras que supuxeron un sobre custo dun 110% pasando de máis de 950.000 euros a dous millóns de euros.
– Cremos que o bipartito non pode estar orgulloso de case nada que teña que ver coa súa xestión, moito menos das obras públicas.
– O PP non vai pedir desculpas por ter posto en coñecemento a xestión na realización dunhas obras que alcanzaron un sobre custo dun 110% e que o propio decreto de Fiscalía indica que presentaba indicios claros de irregularidades.
– É labor de calquera representante público o de fiscalizar o traballo dos gobernos.
– Mantemos que a xestión neste caso por parte do bipartito ten sido nefasta, argumento incontestable.
– A propia resolución da Fiscalía recoñece que existiu algunha irregularidade e que se podía esixir un maior rigor no anteproxecto.
– Lamentar que a Deputación de novo actúe faltando á transparencia ao facer a comunicación antes aos medios de comunicación que ao Grupo Provincial do PP, que foi quen interpuxo a denuncia.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
