O CC. 7Voltas organiza a VI Ruta Rei Cintolo o 8 de maio ás 10.00 horas con saída dende a Praza da Catedral que inclúe a segunda proba do Open de Galicia Btt Maratón e unha ruta cicloturista.
A ruta consta dun recorrido de 35 km e un desnivel acumulado de 1200 m nun circuíto ao que se deberán completar dúas voltas. Establecese un fora de control de 2 horas e 30 minutos no quilómetro 35 da proba. As categorías admitidas serán: feminina, Elite/sub23, Master 30,40,50/60 e cicloturista.
A inscrición e o pago farase a través da web www.championchipnorte.com. Será obrigatorio presentar a licencia en curso. O prezo da inscrición será de 15 euros ou 25 con dereito a comida; mentres que no caso de non federados o prezo será de 30 euros so ruta e con dereito a comida, 40. O prezo da comida para os compañantes será de 10 euros, mentres que os menores de 12 anos poderán asistir de xeito gratuíto.
A retirada de dorsais realizarase o sábado 7 de maio de 19.00 a 21.00 horas na Casa da Cultura (rúa Alfonso VII) 3º piso, ou o día da proba de 08.00 horas a 09.30 horas na praza da Catedral.
Coa inscrición os participantes teñen dereito a: toma de tempos con chip, trofeos para os tres primeiros de cada categoría, obsequio para os 300 primeiros inscritos, avituallamento no percorrido e ao final da proba, lavado de bicis, duchas, vehículos de recollida durante a proba, servizo de ambulancia e médico e comida prevista para as 15.00 horas.
A orde de posición na parrilla determinarase pola clasificación xeral individual do Open. Os 25 primeiros clasificados ocuparan as 25 primeiras posicións e o resto de participantes colocaranse a continuación por orde de inscrición.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
