Ribadeo, 14 de marzo de 2016.- O Concello abre na noite deste luns o prazo de inscrición na III Media Maratón Ribadeo-As Catedrais, que foi presentada este luns pola tarde.
A proba terá lugar o 10 de setembro con saída ás 17:00 horas das inmediacións Concello. O edil de Deportes, David Rivas, salientou que “este ano adiantouse unha hora o comezo dada a diferenza de chegada entre os primeiros e os últimos participantes para evitar o risco que poida supor correr case de noite pola zona”. O concelleiro nacionalista engadiu: “considerouse a posibilidade de que o percorrido rematase en Ribadeo en vez de nas Catedrais, pero descartámolo porque nos pareceu que perdía parte do encanto e da intención da carreira, que era a posta en valor e a reivindicación das Catedrais como espazo protexido”. O responsable de Deportes tivo palabras de agradecemento “para todas as persoas voluntarias, ás empresas colaboradoras que nos axudan co tema do avituallamento e especialmente a Fisiorelax que agasallará a cada participante cun kit de produtos para a recuperación muscular”.
Pola súa banda, o técnico de deportes do Concello, Iván López, salientou que “haberá servizo de gardamochilas, os vestiarios dos dous pavillóns estarán dispoñibles para poder cambiarse neles, na meta contaremos cun servizo de fisioterapeutas, que agradecen moito os corredores, e tamén haberá servizo de autobuses”.
O alcalde, Fernando Suárez Barcia, subliñou da Media Maratón Ribadeo-As Catedrais a dureza, a beleza do percorrido e a labor dos voluntarios: “a dureza do percorrido que fai que veña xente de moitísimos sitios, o ano pasado xa foi internacional por participar xente doutras latitudes. En segundo lugar a beleza do percorrido por toda a costa de Ribadeo, lugar de interese comunitario LIC da Rede Natura e por rematar no paradigma das praias máis bonitas do mundo, que é a praia das Catedrais. É un guiño tamén e unha reivindicación da posta en valor e da sostenibilidade do que é a dinamización turística, pero tamén da sostenibilidade medioambiental. E en terceiro lugar tamén salientaría o voluntariado porque este evento nas dúas probas anteriores tivo moi boa acollida, pero porque houbo arredor de duascentas persoas cada unha co seu rol dando avituallamento, organizando o principio ou o final que todos os participantes valoran. Entre todos facemos unha das probas máis potentes de todo o estado”.
As inscricións para a carreira poden facerse a través de Internet en www.championchipnorte.com ata o martes 6 de setembro ou nas oficinas das áreas de Deportes e Información Xuvenil do Concello de Ribadeo e na Casa da Xuventude. O prezo é de 3 euros ata o 17 de maio, de 4 euros ata o 25 de xullo e de 5 euros ata o 6 de setembro.
Os trofeos e premios en metálico serán para os tres primeiros homes e tres primeiras mulleres, tanto na clasificación absoluta como na de ribadenses. Estes serán de 100 euros, 50 euros e 25 euros non acumulativos.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
