Santiago, 14 de abril de 2016.- A conselleira de Infraestruturas e Vivenda, Ethel Vázquez, mantivo unha xuntanza de traballo co alcalde de Foz, Javier Castiñeira, ao que lle trasladou que esta semana analizaranse as ofertas presentadas polas empresas coa fin de iniciar a última fase das beirarrúas de Cangas de Foz a finais do vindeiro mes de maio.
Estas actuacións, que completarán o proxecto de beirarrúas executado pola Xunta en Cangas de Foz, centrarase na construción destas infraestruturas na estrada entre Ferreira de Valadouro e Cangas de Foz (LU-162). Continuaranse as beirarrúas executadas entre os anos 2013 e 2015 na citada estrada, entre os puntos quilométricos 11+370 e 12+460, na intersección coa N-642. Nesta última fase construiranse 160 metros de beirarrúa por cada marxe da estrada e colocarase unha rede de recollida de pluviais.
En total, a Xunta de Galicia, a través da Axencia Galega de Infraestruturas, realiza un investimento económico de preto de 460.000 euros neste proxecto, que se dividiu en tres etapas, das que as dúas primeiras xa están executadas.
Nunha primeira fase, a Consellería de Infraestruturas dotou de beirarrúas o treito da estrada LU-162 que vai dende o punto quilométrico 11+945 ao 12+460, rematándose os traballos en setembro de 2013.
Na segunda fase, mellorouse a seguridade viaria da estrada Ferreira de Valadouro – Cangas de Foz (LU-162), nunha lonxitude de 475 metros, entre os puntos quilométricos 11+370 e 11+945, conectando coas executadas no primeiro tramo.
O Goberno galego continúa a traballar na mellora das estradas autonómicas coa fin de incrementar a seguridade viaria dos usuarios, aumentando así a calidade de vida dos cidadáns, así como potenciando o desenvolvemento económico e social dos concellos galegos.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
