Vista Alegre gozou dunha gran tarde dentro e fóra da pista. O Burela FS Pescados Rubén volveu dar unha boa imaxe ante o espectacular e implacable Movistar Inter (1-4). O conxunto de Daniel Ibañes, que volveu competir de ti a ti cun equipo da Galaxia dos Grandes, ofreceu a súa mellor versión tras o descanso, a pesar do 0-2 en contra; o merecido gol dos laranxas chegou na recta final con aposta de cinco.
Os heroes laranxas mantiveron o tipo cun ataque incesante dos campións de España durante os primeiros minutos. Rozando o minuto 6, Iago Míguez protagonizou as dúas grandes primeiras chegadas, tras recuperación de Chino primeiro que acabou en córner e recollendo un pase longo que freou Herrero. Despois do primeiro tempo morto da cita, o Movistar botou man dun rápido contraataque para tomar a iniciativa tamén no electrónico, que culminou Daniel pola banda no minuto 11. As cousas complicábanse para os da Mariña no minuto 15, con vermella para Hélder sobre Rivillos. Tras dúas inconmensurabales actuacións de Álex fronte a Cardinal e Ricardinho, os verdes ampliaron distancias en superioridade numérica nas zapatillas de Cardinal a falta de tres minutos e medio para o descanso (minuto 16).
Regresou o cadro mariñán adiantando filas cunha mellor posta en escena de equipo, sen dominador claro na pista, aínda que o todopoderoso volveu atopar o gol nun rexeite de Álex, que cazou Rafael, e tocou en última instancia en Iago Míguez (minuto 25). Mantívose serio en defensa o conxunto burelao para vivir os seus mellores minutos en ataque rozando o ecuador da segunda parte. Tra aviso do tándem dos Iago no minuto 29 fronte a Herrero, axexou a meta verde Bellvert cedendo o esférico a Míguez, que non puido controlar a porta baleira; máis tarde, Bellvert chegou tarde ao disparo cruzado de Petry. Loitaron os laranxas contra vento e marea merecendo perforar a portería visitante; Iago Míguez, enfrascado na área interista, tivo dobre oportunidade, das máis perigosas do encontro no minuto 34, pero rematou marchándose alta. A falta de pouco máis de cinco minutos para o final, o Pescados Rubén optou por xogo cinco con Iago Rodríguez de capitán. Antoñito culminou o gol tan traballado dos de Vista Alegre, no minuto 37, tras dúas grandes ocasións de Petry e Chino. Con todo, o Movistar volveu beneficiarse dunha saída de balón dos galegos, con Ricardinho asistindo a Rafael antes de cumprirse en minuto 38 para subir o definitivo 1-4.
Ficha técnica
CD Burela FS Pescados Rubén: Álex, Iago Míguez, Petry, Carlitos, Hélder, cinco inicial; tamén xogaron Chino, Iago Rodríguez, Jorge Bellvert, Antoñito, Renato
Movistar Inter FS: Jesús Herrero, Daniel, Ricardinho, Cardinal, Ortiz, cinco inicial; tamén xogaron Borja, Rafael, Humberto, Darlan, Rivillos
Goles: 0-1, minuto 11, Daniel; 0-2, minuto 16, Cardinal; 0-3, minuto 25, Rafael (p.p. de Iago Míguez); 1-3, minuto 37, Antoñito; 1-4, minuto 37, Rafael.
Árbitros: González Moreta // Sánchez Chamorro (Castela e León). Por Burela amarela a Bellvert (minuto 17), Renato (minuto 27); vermella a Hélder (minuto 15). Por Movistar, amarela para Cardinal (minuto 28), Ortiz.
Incidencias: Partido correspondente á 26ª xornada da Primeira División da LNFS disputado no pavillón Vista Alegre de Burela. Aforo completo. Vista Alegre presentou a campaña de leite Galega 100%, da Xunta de Galicia, coa presenza da directora xeral de Gandería, Belén do Campo.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
