Burela, 22 de abril de 2016.- O CD Burela FS Pescados Rubén recibirá este sábado, na 25ª xornada, o Ourense Envialia FSF nun complicadísimo duelo con espectáculo e rivalidade garantidas. A cita de Vista Alegre arrincará ás 18.30 horas e poderá seguirse en directo en streaming na ligazón https://www.youtube.com/watch?v=h8oVMpxiv1A, coa colaboración do xornalista Miguel Albo e a xogadora Lara Balseiro.
“Chegamos con moitas ganas a un partido moi complicado. Ourense foi un dos equipos cos que nos deixamos puntos; na ida foi un encontro duro, sen goles, no que non conseguimos materializar o noso xogo” advertía unha das pichichis laranxas, Gaby, con certo ánimo de revancha fronte ao actual cuarto clasificado, 51 puntos, co obxectivo de non cesar no axexo ao líder madrileño antes do seu gran duelo directo polo cumio. “Na casa non perdemos puntos e temos que seguir así. Será moi difícil; enfrontámonos ao equipo menos goleado da categoría, pero a nosa defensa tamén é forte. Deberemos ter paciencia para atopar os goles” reflexionaba así sobre o rifadísimo derbi galego a 9 laranxa
Gaby trata de suplir con actitude e ilusión os pequenos problemas físicos no seu xeonllo que non a están deixando estar ao cento por cento na recta final da liga: “Sigo con molestias pero estou para xogar o sábado, estou a disposición do adestrador para o que diga. Estou nunha boa etapa de xogo, sigo facendo o meu traballo, estou en boa sintonía co equipo e lonxe dos goles creo que estou cumprindo co principal obxectivo, axudar o equipo e saír cos tres puntos” reflectía así a brasileira a excelente tempada que está vivindo co Pescados Rubén, facendo ademais un chamamento á bancada laranxa: “Sempre temos o apoio da afección pero mañá será máis importante aínda. Será un gran partido no que a bancada nos pode axudar moito”.
Ao vestiario de Lucas regresa Jozi recuperada xa da súa fractura no brazo esquerdo; continúan sendo baixas Shio, Emm e Lara.
O Atlético de Madrid Navalcarnero, con 2 puntos de vantaxe sobre as mariñás, tamén vivirá esta semana derbi autonómico, na casa do Majadahonda Afar4, décimo terceiro (19 puntos).
Próxima xornada. As pupilas de Lucas veranse as caras co líder, a domicilio, o vindeiro sábado (17.30 horas) na xornada 26ª, co apoio da peña A Pataca Naranxa.
CD Burela FS Pescados Rubén: 1. Jozi, 3. Dany, 5. Claudia, 7. Peque, 9. Gaby, 11. Ceci, 13. Andrea C., 14. Bea Mateos, 15. Judith, 17. Maite, 31. Eva
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
