O PP de Viveiro presenta unha moción para a renovación da rede xeral de abastecemento de auga no tramo entre a depuradora de Landrove e a ponte do tren en Xunqueira

Viveiro, 1 de abril de 2016.- O voceiro do Partido Popular de Viveiro, abaixo asinante, en nome propio e no do grupo municipal do PP, presenta ó Pleno, para o seu debate e aprobación se procede, a seguinte moción para a renovación da rede xeral de abastecemento de auga no tramo entre a depuradora de Landrove e a ponte do tren en Xunqueira.

EXPOSICIÓN DE MOTIVOS
O pasado 29 de marzo aprobábase o Orzamento da Diputación de Lugo para o ano 2016, podendo comprobar como Concellos veciños coma O Vicedo, Xove, Cervo,Foz, Barreiros, Ribadeo ou Mondoñedo, recibían cuantiosas achegas nominativas para a realización de distintos proxectos.

A nosa sorpresa era maiuscula ó comprobar como non aparecía nada nominal para o Concello de Viveiro, a pesares das innumerables necesidades que temos e de que a Sra. Alcaldesa é Diputada Provincial e responsable dunha area de goberno, o que nos leva a pensar que non pediu nada para o noso Concello ou que lle dan igual os problemas dos veciños.

Son moitas as necesidades do noso Concello, pero por tratarse dun servizo básico e que non permite máis demora debido o gran número de roturas e perxuicios que orixina, cremos que é necesaria e inmediata a renovación da rede xeral de abastecemento dende Landrove ata a ponte do tren en Xunqueira.
Esta canalización que discurre dende o barrio de Xunqueira ata a ponte de Landrove ó largo da estrada LU540 – aproximadamente uns 2,5 Km. – é unha canalización moi antigua, con máis de trinta anos e as tuberías son de fibrocemento. Da servicio a uns 2000 habitantes empadroados nestes barrios, si ben nos meses de verán poden incrementarse nun 30/40%. Nos últimos anos rompeu con moita frecuencia en distintos puntos deste tramo, ocasionando como xa dixemos innumerables problemas e perxuicios ós usuarios desta zona – veciños, hostaleiros, industriais… -, que se ven privados dun servicio básico e de primeira necesidade como é o do suministro de auga durante moitas horas e nalgúns casos durante días.

Dende o PP de Viveiro somos moi conscientes das moitas necesidades que ten o noso Concello e xa que non o fixo a Sra. Alcadesa imolo facer nós, pedirlle a Diputación Provincial de Lugo que con cargo a aplicación orzamentaria 9430.762 transferencias a outras entidades locais- onde aparecen 2.400 .000 euros -, se acometa a renovación da rede xeral de abastecemento dende Landrove ata a ponte do tren en Xunqueira.

Por este motivo propoño ó pleno da Corporación a aprobación do seguinte ACORDO:

1 – Instar á Diputación Provincial de Lugo que acometa a realización da obra de renovación da rede xeral de abastecemento de auga no tramo comprendido entre a depuradora de Landrove e a Ponte do tren en Xunqueira.