Viveiro, 28 de abril de 2016.- O Grupo Municipal SON VIVEIRO exporá, para o seu debate no próximo Pleno ordinario do mes de maio, unha moción coa intención de promover e axilizar a elaboración dun Plan de Tráfico.
A actual “Ordenanza municipal de Policía e Bo Goberno” dedica o seu título cuarto á Circulación no término municipal de maneira xenérica, sen contemplar un plan específico para regular o tráfico de vehículos no interior do casco antigo.
Marcos Besada, concelleiro de Son Viveiro, manifesta: “tal e como vimos denunciando desde a integración do noso grupo na Corporación, son moitas as anomalías que se producen dentro do casco antigo en canto á circulación se refire, motivadas tanto pola falta de vixilancia como dunha normativa que regule a mesma”.
SON VIVEIRO proporá, para a elaboración de dito Plan de Tráfico, a adopción das seguintes medidas:
1.- O acceso efectuarase a través das rúas Irmáns Vilar Ponte, Maruja Mallo e Pastor Díaz e a saída, pola rúa Margarita Pardo de Cela.
2.- En cada un dos accesos ao interior do Casco colocaranse sinais de circulación prohibida (actualmente, as tres portas históricas – Porta de Carlos V, Porta do Valado e Porta da Vila- carecen das mesmas), acompañadas das seguintes observacións:
a) Excepto vehículos autorizados.
b) Máximo 3000 kg.
c) Velocidade máxima 10 km/hora.
d) Horario de luns a sábado de 9 a 11 e de 16 a 18 horas.
3.- Para circular polo interior do Casco, no cristal parabrisas dianteiro figurará a tarxeta expedida polo Concello a cada vehículo autorizado para tal fin, debendo aparecer no reverso da mesma o plano que indique o sentido da circulación que evitará o cruzamento de vehículos, así como as entradas e as saídas, sen cruzar beirarrúas e por zonas relativamente amplas, dentro das limitadas proporcións das nosas rúas.
4.- O tempo permitido para a realización da actividade será o imprescindible, non podendo os vehículos en ningún caso permanecer aparcados.
Para os accesos restantes, o persoal técnico deberá determinar os sistemas de control que impidan o acceso e a circulación de vehículos. Actualmente, nas citadas entradas non existe ningún tipo de advertencia.
Coa finalidade de facer de Viveiro unha vida máis humana, as e os viandantes deben contar coas máximas facilidades; para conseguir este obxectivo, o persoal do Concello deberá comprometerse a dar exemplo, deixando de utilizar a Praza Maior como aparcadoiro dos distintos vehículos oficiais.
Para facer efectivo o cumprimento deste Plan, a Policía Local, no cumprimento do seu deber, debe canalizar a circulación rodada e peonil, vixiar e impedir o estacionamento durante horas no interior do Casco e verificar que os vehículos que regularmente acceden ao interior do mesmo non superen o peso máximo autorizado.
Co gallo de facilitar o coñecemento por parte da veciñanza do presente Plan, a Alcaldía deberá publicar o correspondente Bando.
“Non convén esquecer -remata Marcos Besada-, que a Corporación viveirense aprobou por unanimidade, no Pleno ordinario celebrado o día catro de novembro do pasado ano, comezar os trámites para que o Casco antigo sexa recoñecido como histórico, título difícil de conseguir con vehículos circulando en todas direccións a calquera hora e permitindo que os espazos diante dos monumentos máis emblemáticos sexan utilizados como aparcadoiros.”
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
