O XVII Encontro Empresarial de Organización Pesqueiras remata en Burela esixindo ás forzas políticas o cumprimento dun decálogo de medidas a prol do sector

A XVII edición do Encontro Empresarial de Organizacións Pesqueiras tivo lugar este venres 13 de maio en Burela nas instalacións de ABSA co obxectivo de tratar os temas que nestes momentos preocupan ao sector relacionados cos tratados nos mesas das XXIII edición das XORNADAS TÉCNICAS EXPOMAR 2016.

En Burela, ao 13 de Maio de 2016, reunidas as asociacións pesqueiras no marco do XVII Encontro Empresarial de Organizacións Pesqueiras co amparo da FUNDACIÓN EXPOMAR, ante a proximidade dos comicios electorais, e ante o déficit de atención e de interese mostrada por os distintos grupos políticos nas anteriores eleccións para reunirse a nivel nacional co sector pesqueiro, queremos facer chegar a estes o seguinte:

1) É fundamental que se recoñeza por todo o arco político o importante peso económico e social da pesca en España, e en particular en zonas altamente dependentes da pesca.

2) Como consecuencia do anterior, é imprescindible que se dote á Secretaría Xeral de Pesca dos medios económicos e humanos necesarios para realizar unha xestión correcta e adecuada ás necesidades do sector, en colaboración con este, e máis aló da investimento no réxime de control. É máis importante traballar na xestión da pesca e a implicación do sector na mesma, que unicamente no labor de control.

3) Esiximos unha defensa de todas as artes e modalidades pesqueiras, rexeitando cualificar a unhas como destrutivas. Todas as artes debidamente regulados e utilizados caben no mar, sendo todos eles necesarios para unha explotación equilibrada dos recursos e o abastecemento do deficitario mercado pesqueiro español e do resto da UE. Só un uso inadecuado é o que debe condenarse e rexeitarse.

4) Consecuencia do anterior, deben evitarse as prohibicións e limitacións radicais, como foi o caso da prohibición do procesamiento a bordo das quenllas, e os intentos de prohibición do xeito ou do arrastre en augas profundas.

5) Deben incrementarse os TAC e cotas, á vez que se optimizan os existentes, para o que debemos ir da man de nosos científicos que constaten a realidade da boa situación da maioría dos stocks capturados pola frota española.

6) É necesario que a próxima Administración incremente de forma notable o investimento en promoción de consumo de peixe, recuperando figuras como o desparecido FROM.

7) É imprescindible a aplicación do IVE reducido do 4% aos produtos pesqueiros, na mesma liña que outros produtos considerados de primeira necesidade, tendo en conta a necesidade da presenza de peixe nunha dieta equilibrada e saudable.

8) Debe potenciarse a investigación pesqueira, fundamental para un sector que quere realizar unha pesca responsable e sustentable.

9) A Administración debe poñer en valor os esforzos que a frota española vén facendo en aras dunha pesca responsable e sustentable, xunto coa importante redución de frota que España ha experimentado en comparación con outros Estados Membros, investindo en comunicación.

10) É imprescindible, dentro da actual Política Marítima Integrada, e do enfoque ecosistémico, que se analice o impacto que sobre os stocks pesqueiros e o ecosistema teñen as actividades realizadas no medio mariño diferentes da pesca (prospeccións sísmicas, actividade petroleira e gasística, parques eólicos, mala xestión das zonas costeiras…), así como os efectos do cambio climático.

Tendo en conta o ocorrido nas últimas eleccións e conscientes do momento no que nos atopamos, “queremos e esiximos poder explicar as nosas necesidades ás distintas forzas políticas, á vez que pedimos a asunción da defensa por todos deste decálogo”.