Tan só unha semana despois da consecución de liga, as campioas laranxas volverán este sábado ao parqué en busca do triplete con Cidade de Alcorcón como primeiro óbice na XXII Copa de España, que espera o CD Burela FS Pescados Rubén coa estola de anfitrión e desde a terceira praza da táboa. As de Lucas saltarán á pista de Los Cantos ás 19.00 horas coñecendo xa o nome do primeiro primeiro finalista, entre Altético de Madrid Navalcarnero e UA Alicante (17.00 horas), segundo e cuarto clasificados en liga respectivamente. A gran cita polo título disputarase o domingo ás 12.00 horas.
“Acumulamos moito cansazo; chegamos un pouco xustas de forza, pero intentarémolo suplir coa grande ilusión e afán de superación que sempre nos caracterizou e que nos fixo chegar ata aquí” explicaba o técnico laranxa tras o último adestramento da semana, restando importancia ao cartel de favorito: “Non temos a presión que quizais poida ter Navalcarnero, por conseguir un título na tempada, ou Alcorcón, ao xogar na súa casa; para nós é a clausura perfecta do mellor ano do equipo e aínda o podemos despedir moito mellor. Todo o que poidamos conseguir na Copa será un premio para o equipo, para o club e para a afección” explicaba exultante Lucas co seu novo look xa retocado, tras cortar a coleta a semana pasada en Logroño como promesa por gañar o título.
Incidindo na complexidade de calquera dos posibles rivais, o adestrador mariñán advertiu sobre a sintonía de individualidades e xogo de equipo do rival. “Ten a xogadoras como Anita Luján e Belén que che poden gañar o partido elas soas, sen deixar de basear o seu xogo no bloque”.
Nos seus dous enfrontamentos de liga, o Pescados Rubén soubo resolver a contenda con 2-3 e 4-2 ao seu favor.
A expedición mariñá partirá este mediodía (14.00 horas) cara ao reto copeiro, coas baixas de Shio, Emma e Lara e algunhas molestias. “Peque chega con sobrecarga, Gaby aínda non está ao cento por cento do seu xeonllo e Ceci estase recuperando dunha escordadura de nocello. “Xa nos sobrepuxemos a situacións peores e esta vez non será diferente” concluía Lucas, convencido de que a coraxe e a actitude das xogadoras laranxas volverán ser a arma a bater.
CD Burela FS Pescados Rubén: 1. Jozi, 3. Dany, 5. Claudia, 7. Peque, 9. Gaby, 11. Ceci, 13. Andrea C., 14. Bea Mateos, 15. Judith, 17. Maite, 25. Silvia Rubal, 31. Eva
Teledeporte
A canle temática de Deporte da Corporación de Radio e Televisión Española (RTVE) emitirá en directo os dous encontros de semifinais (sábado 17.00 e 19.00 horas) e en diferido a final do domingo a partir das 15.30 horas.
Apoio pataqueiro
Máis de medio cento de socios da peña A Pataca Naranxa desprazarase a Alcorcón para apoiar as campioas de liga no seu próximo desafío competitivo, aos que se unirán afeccionados en vehículos particulares e o grupo máis ‘ultra’, que xa estivo nas bancadas de Logroño na última xornada.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
