As monitoras de Gaia acompañaron aos alumn@s de primaria do Ceip Virxe do Carme na visita que realizaron ao porto

Burela, 14 de xuño de 2016.- As monitoras do Centro de Educación Ambiental Gaia, pertencentes á Concellería de Medio Ambiente, que dirixe Noelia Mª Ben acompañaron este martes a alumnos de 1º de primaria do Ceip Virxe do Carme ao porto burelense.

Segundo explican as propias monitoras “os alumnos divididos en dous grupos visitaron o Barco Museo Reina do Carme (compartimentos de cuberta, ponte, baixo cuberta e o casco por dentro). O guía do barco explicou os tipos de artes de pesca, desde os máis artesanais, utilizados na flota burelense, como o curricán ou cacea para a pesca do bonito, o palangre de superficie e de fondo para a pesca de pescada e peixe espada, etc). E o outro grupo dirixiuse ao edificio de Capitanía Marítima e puideron ver in situ os labores que alí se realizan”.

Desde Gaia engaden que “con estas visitas preténdese dar a coñecer o patrimonio da nosa localidade e adoptar comportamentos, actitudes favorables e valores que promoven a conservación e coidado da nosa contorna”.