Mondoñedo, 20 de xuño 2016.- A presidenta do PP de Lugo, Elena Candia, incidiu este luns durante unha visita á vila luguesa de Sasdónigas na idea de que o campo galego “ten rendibilidade económica para a xente do rural e é necesario que se poña en valor”.
Durante o paseo que realizou acompañada da conselleira de Medio Rural, Ángeles Vázquez Mejuto, do candidato ao Congreso pola provincia de Lugo, Joaquín García Díez, así coma doutros representantes do partido, a líder popular dixo que “a única saída para que o campo galego teña futuro e non quede abandonado á súa sorte pasa por superar os intereses individuais e sumar esforzos”.
Para Candia, o campo galego ten futuro e moitas posibilidades de desenvolvemento que non se poden deter. Recordou que existe unha cantidade inxente de superficie agraria parada e abandonada que é útil e que hai moitos gandeiros que precisan de máis superficie e non a teñen. “A fragmentación da terra dificulta en moitos casos o desenvolvemento agrario, por iso unha das solucións para conseguir maior rendibilidade económica é a de poñer en común a terra, a de sumar esforzos”.
Sobre este tema, a líder popular aproveitou para facer unha comparanza coa situación política onde dixo que “os individualismos e personalismos só levan ao fracaso e ao estancamento, como de feito xa estamos a ver cos novos líderes nacionais que temos en fronte”. Para Candia, o avance en calquera ámbito da vida só se consegue cunha “visión integradora e de equipo”.
“Hai moitos tópicos ao redor do campo galego, como a percepción de atraso, pero o atraso é non actuar. A terra non pode quedar abandonada”, dixo Candia. Precisamente, a presidenta dos PP provincial dixo que “o campo galego tivo que esperar a que un Goberno do PP chegase á Xunta para que procesos como o de Sasdónigas quedasen desbloqueados”. Dende agosto do ano 2014 os 257 propietarios da concentración parcelaria desta vila xa poden facer uso das súas novas leiras de substitución, unha vez que finalizou o proceso ao que a Xunta dedicou 1,2 millóns de euros.
Tamén recordou que para mellorar a rendibilidade produtiva da terra e impulsar a concentración parcelaria a Xunta vén de aprobar unha partida de 22 millóns de euros para este exercicio, o que supón triplicar a inversión destinada a esta actividade que en anos anteriores rozaba os 8 millóns. Así, poderanse finalizar 137 zonas activas, o que supón actuar en case un millón de parcelas, case 120.000 hectáreas e beneficiar a 100.000 propietarios, ademais de comezar a traballar noutras parcelas con importancia hortícola, forestal e vinícola.
Ademais, sinalou que entre os beneficios que se derivan da concentración parcelaria están, non só o de mellorar a rendibilidade económica do campo, tamén o de mobilizar aquelas terras abandonadas ou que non formen parte de explotacións para uso agrario, potenciar a conservación de zonas de interese ambiental, minimizar os efectos das grandes obras públicas e executar camiños secundarios na zona de concentración, principalmente.
Dende que comezou o proceso de concentración parcelaria en Galicia xa se actuou sobre 1025 zonas das que case o 77% están xa rematadas.
A presidenta do PP de Lugo e o resto de líderes políticos visitaron tamén unha queixería en Vilalba e mantiveron un encontro cos veciños de Riotorto.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
