O Presidente da Deputación de Lugo, Darío Campos Conde, e o Vicerreitor de Coordinación do Campus de Lugo, Javier Bueno Lema, presentaron este mércores nos xardíns do Pazo de San Marcos “Para estudar, Lugo”. É a campaña que promociona Lugo como cidade universitaria e ofrece descontos do 50% no custo da matrícula a primeiros estudantes de 10 titulacións do Campus lugués.
Darío Campos sinalou que “poñemos en marcha a 3ª edición desta campaña dentro do plan de impulso do Campus de Lugo, que temos en marcha Deputación e USC. Facémolo, tendo en conta os seus bos resultados. Grazas ás dúas anteriores convocatorias, dende 2013 conseguimos incrementar en 10 puntos a taxa de ocupación da totalidade de prazas que ofrece a USC en Lugo. Ademais, aumentamos nun 18% o número de estudantes nestas 10 titulacións, nas que volvemos a asumir a metade dos custos da matrícula de primeiros estudantes do Campus lugués, con 120.000 euros da Deputación”.
Ao inicio do curso 2013-2014, a taxa de ocupación de prazas no Campus de Lugo era do 62,9%. Tras as campañas de promoción de Lugo como cidade universitaria, que se levaron a cabo nos cursos 2014-2015 e 2015-2016, esta sitúase hoxe no 71,7%. Son case 10 puntos máis. Con respecto ás 10 titulacións con descontos, hai dous anos o número de estudantes era de 258. Coas axudas da Deputación na matrícula dos últimos dous anos, os alumnos ascenderon aos 304. Isto supón un incremento do 18%.
Bueno Lema subliñou que “grazas a esta campaña, conseguimos cambiar o modelo de tendencia no número de matriculacións do Campus lugués, que se viu aumentado de xeito notable. De feito, durante estes dous últimos anos aumentou a captación xeral de alumnos, sendo no 2013 inferior a 1.000 e superando, nestes dous últimos anos, 1.200 alumnos novos”.
Titulacións con descontos do 50% na matrícula
A través da campaña “Para estudar, Lugo”, a Deputación ofrece descontos do 50% no custe da matrícula a primeiros estudandes das seguintes titulacións do Campus de Lugo:
• Grao en Enxeñaría de Procesos Químicos Industriais
• Grao en Enxeñaría Civil
• Grao en Enxeñaría en Xeomática e Topografía
• Grao en Enxeñaría Agrícola e Agroalimentaria
• Grao en Enxeñaría Forestal e do Medio Natural
• Grao en Lingua e Literatura Españolas
• Grao en Ciencias da Cultura e Difusión cultural
• Grao en Relacións Laborais e Recursos Humanos
• Grao en Xestión de Pequenas e Medianas Empresas
• Grao en Administración e Dirección de Empresas
Lugo como cidade universitaria
Esta campaña promociona Lugo como cidade universitaria. Pon en valor a oferta académica do Campus lugués, que ofrece 15 titulacións, que se agrupan en 8 centros, e se distribúen en 4 área de coñecemento: Artes e Humanidades, Ciencias da Saúde, Ciencias Sociais e Xurídica, e Enxeñería e Arquitectura. Tamén destaca os postgraos, que contribúen a definir as expectativas profesionais dos estudantes de cara a súa inserción laboral.
“Xunto á oferta académica, hai outras 3 razóns para estudar e vivir en Lugo: a calidade de vida, onde a gastronómica, as celebracións…, e, principalmente, as persoas, fan de Lugo un lugar único. O patrimonio histórico e natural, que converten á nosa provincia unha xoia con moito que descubrir. E os prezos, pois Lugo é unha das cidades de España máis baratas e cómodas para vivir e estudar”, apuntou o Presidente da Deputación.
www.paraestudarlugo.com
Toda a información relacionada coa campaña “Para estudar, Lugo” pode atoparse nunha web completamente renovada (www.paraestudarlugo.com) que, nesta edición, presenta grandes novidades no referido a deseño e contido. Nela, recóllese toda a información do programa de bolsas; consellos prácticos para elixir Lugo como destino universitario, así como diferentes páxinas coa información completa sobre o Campus Terra da USC: centros e facultades, relación detallada sobre os graos, programas de doutoramento e máster que se ofertan, con especificación do plan de estudos e ligazóns para ampliar ou acceder dun xeito áxil á formalización da matrícula.
Ademais, a campaña terá unha especial incidencia nas redes sociais da Deputación de Lugo (www.facebook.com/diputacionlugo e @depulugo) e da USC (www.facebook.com/campusterrausc, www.facebook.com/Universidade-de-Santiago-de-Compostela e @UniversidadeUSC e @CampusTerraUSC).
Este ano, estréase un novo medio de difusión mediante unha canle de Telegram, accesible a través de http://telegram.me/paraestudarlugo ou na propia aplicación buscando por @paraestudarlugo, na que se ofrecerá toda a información relevante sobre as novidades do Campus Terra.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
