Ribadeo, 8 de xuño de 2016.- O Concello ultima os preparativos da Feira do Libro, que terá lugar do 1 ao 3 de xullo no parque de San Francisco. A programación inclúe presentacións de libros de Ribadeo e da comarca, a presenza de figuras de primeira magnitude na literatura galega actual, música, teatro e actividades para @s máis pequen@s, segundo avanzou na xornada deste mércores o concelleiro de Cultura, Farruco Graña.
Para o edil nacionalista “a Feira do Libro preséntase ben interesante para todas as persoas que amen a lectura e o mundo do libro. Será unha Feira do Libro na que potenciaremos o noso, o de aquí, o máis achegado a nós, o libro referido a Ribadeo e a comarca, pero que tamén contará coa presenza de figuras de primeira magnitude na literatura galega actual.”
No transcurso da III Feira do Libro de Ribadeo presentaranse varios libros referidos a Ribadeo e á comarca da Mariña, como é o caso de Eliseo Pulpeiro. As letras galegas entre dúas ribeiras (Ribadeo e Río da Plata), de Pablo Vivín e Sylvia Pulpeiro; o poemario As Catedrais, portas do misterio, de Xosé Otero Canto; Ribadeo FC, una mirada al siglo XX, da Asociación Deportiva Veteranos do Ribadeo FC ou Lendo lendas digo versos, de Antonio Reigosa.
Por Ribadeo pasarán tamén autores como Ledicia Costas (Premio Merlín de Literatura Infantil 2014, Premio Nacional de Literatura 2015 e Premio Lazarillo de Literatura Xuvenil 2015); Francisco Castro, (Premio Lueiro Rey 1997, Premio Blanco Amor 2006, Premio García Barros 2007, Premio Frei Martín Sarmiento 2011, etc… “con él teremos unha sesión vermú e poderemos parolar das súas novelas e da súa vida literaria”, explicou o concelleiro de Cultura. A Ribadeo achegaranse tamén Pedro Feijó, que presentará a súa última novela Morena, perigosa e románica; María Lado (gañadora do Certame de Poesía Erótica Illas Sisargas no 2010 e Premio de Poesía na I Gala do Libro Galego en 2016); Benigno Campos, un dos integrantes do exitoso programa de cociña da Televisión de Galicia Larpeiros; Vicente Araguas ou María Canosa, entre outros. Farruco Graña dixo que “con María Canosa manteremos unha charla interxeracional entre pais/nais e fill@s. Ela colabora co programa Cifras e Letras desde o ano 2011, tendo en conta o apartado das letras”.
Tamén haberá actividades paralelas, enfocadas especialmente para os máis pequenos, pero tamén para os adultos. Galicia imaxinada nas revistas da emigración, do Consello da Cultura Galega, é o título da exposición que se inaugurará eses días e que estenderá ao longo da semana, formando parte do Ribadeo Indiano. O concelleiro ribadense contou que “MauMarela desenvolverá unha actividade creativa para os pícaros e pícaras durante dúas sesións e Anxo Moure percorrerá as rúas de Ribadeo coa súa Ciclo-biblioteca. Ademais o grupo de teatro Ollomao realizará dúas micropresentacións en senllos locais de hostalaría. As de Aldao Lado darannos a coñecer a súa orixinal música e singular creación poética e a Escola Municipal de Música e Danza colaborará, un ano máis, coa celebración desta III Feira do Libro con diferentes actuacións musicais”.
Farruco Graña concluíu: “teremos un feixe de actos para unha Feira do Libro que vai xa pola súa terceira edición que vai marcar un fito con respecto a edicións anteriores. Queremos seguir profundando na consolidación deste evento facendo de Ribadeo un lugar atractivo para que os autores e as autoras veñan a dar coñecer a súa creación literaria, e á súa vez desde Ribadeo deamos a coñecer ao mundo a través dunha programación ambiciosa toda a achega creativa que poida emanar das xentes de Ribadeo e da comarca da Mariña”.
A programación definitiva da III Feira do Libro así como o seu cartel daranse a coñecer proximamente.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
