Mondoñedo, 11 de xuño de 2016.- O Concello de Mondoñedo ten contabilizados un total de 32 inscritos no Concurso de Ornamentación de Balcóns que promove por primeira vez o equipo de Goberno, e que se desenvolverá ao longo dos meses de xuño, xullo e agosto.
O concelleiro responsable deste certame, Alberto García, salientou a boa acollida que tivo esta actividade “que serve para dar cor e embelecer a nosa cidade a través dos tradicionais balcóns, propios da fisionomía do casco histórico mindoniense. Deste xeito, engade, conseguimos que cada veciño participante se implique en manter vivo o noso casco histórico, á vez que serve como aliciente para o turismo”.
García Fernández precisa que existen aínda máis vivendas que se animaron a decorar as súas fachadas con elementos florais, pero que decidiron non participar no concurso de maneira oficial, un xesto que valora enormemente, xa que “podemos estar a falar de preto de medio centenar de vivendas as que van estar engaladas”.
O xurado
Tamén vén de ser elixido o xurado cualificador do concurso que estará composto por profesorado do ciclo de formación profesional, nos módulos de xardinería, do IES San Rosendo, así como por unha arquitecta e varios representantes de asociacións culturais de Mondoñedo.
O xurado fará visitas periódicas ao longo destes meses para ver a evolución e valorará o grao de conservación das flores, o acompañamento de soportes e macetas, elementos decorativos, variedade florística e cromal, elementos dos que obterá a puntuación final.
O concurso será fallado a principios de setembro.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
