Burela, 9 de xuño de 2016.- Burela está a celebrar esta semana con diversas actividades o Día Mundial dos Océanos. Este xoves os usuarios da Fundación Eu Son limparon a praia do Cabaliño e este venres será a quenda para os usuarios de Camiña.
Desde a Concellería de Medio Ambiente lembran que “o Día Mundial dos Océanos é unha efeméride que se celebra no mes de xuño coa limpeza de praias. Promove a recollida de lixo e refugallo sólido dos areais e a identificación das fontes destes residuos, para contribuír á modificación de hábitos e comportamentos que producen a contaminación destes espazos. A actividade consiste en retirar o lixo dos areais, o cal á súa vez xera conciencia deste crecente problema. Cabe destacar, que se comprobou mediante estudos científicos, que o lixo pode xerar serios danos na fauna mariña (por exemplo obstrucións intestinais pola inxesta accidental de plástico), polo que iniciativas deste tipo constitúen unha importante achega para mellorar a saúde dos nosos océanos”.
E engaden que “ano tras ano a Delegación de Medio Ambiente, que dirixe Noelia Mª Ben, organiza varias limpezas de praias e zonas costeiras nas que participan alumnado e usuarios de asociacións; o que demostra que existe un crecente interese por parte da nosa comunidade en participar na preservación do noso mar. Onte realizamos 2 limpezas simultáneas (na praia do Perdouro co alumnado de 4º de ESO do IES Perdouro e na praia de Portelo con usuarios da Asociación A Mariña), e hoxe foi a quenda da Fundación Eu Son, que limparon a praia do Cabaliño. A maior parte do lixo recollido foi material plástico: botellas, bolsas, caixas, tapas…e restos de artes de pesca: redes, cordas, boias, sedal… (materiais que tardan centos de anos en degradarse)”.
Desde a Concellería de Medio Ambiente explican que “Coge3 participou nesta iniciativa, colaborando coas monitoras do Centro Gaia, co obxectivo de sensibilizar a todos os usuarios da praia da necesidade de conservar o medio litoral. Gadisa e Sogama colaboran con diferentes agasallos de material divulgativo”.
Este venres será a quenda dos usuarios da Asociación Camiña que limparán a Praia de Ril.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
