Organización do evento “Por un mundo sen muros”. Ante a nova aparecida no seu medio este martes, no que se asegura que o vindeiro 11 de xuño se celebra unha xornada “pola situación en Siria organizada polo Concello de Burela”, nos gustaría facer unha aclaración:
Durante o mes de abril e a raíz da recollida de material para as persoas refuxiadas organizada pola tenda ecolóxica ArGaia (que puxo este mércores en camiño o primero envío de material recollido no seu local), un grupo de cidadás decidimos organizar un evento de carácter lúdico que potenciase dita recollida e que de paso servise para concienciarnos do que está acontecendo con esas persoas, coñecendo un pouco mellor a súa situación da man dunha persoa que estivo de voluntaria nos campamentos.
Coma o obxectivo era facelo canto máis público e accesible mellor, decidimos poñernos en contacto co Concello para solicitar o uso dos espazos públicos precisos para levar a cabo o evento, que quedaron reservados ao nome dunha asociación que se prestou para facer a reserva.
A concellería de Inmigración trasladounos todo o seu apoio e nos ofreceu a súa axuda, que consistiu en poñerse en contacto con algún grupo da localidade, imprimir 15 copias do cartaz que se lle enviou e facilitar casetas para o mercadiño solidario, cousa que agradecemos de corazón, pero que consideramos que dista moito de organizar en sí un evento que, repetimos, sae de cidadáns que queren apoiar a outras persoas, sen siglas nin institucións por detráis e que conta con moitas máis colaboracións que a do Concello en sí.
Así pois, invitamos a toda a cidadanía a achegarse o próximo sábado á praza da Mariña, en Burela, onde viviremos unha xornada repleta de solidaridade, comunidade e cooperación, onde persoas anónimas nos xuntaremos para apoiar a persoas que o precisan. Sen siglas, sen nomes, sen etiquetas de ningún tipo, só persoas axudando a persoas.
Moitas grazas. Vémonos o sábado, en apoio a todas as persoas refuxiadas. Por un mundo sen muros.
Fdo: as persoas anónimas organizadoras do evento.
P.D.: Reprodúcese a continuación un detalle do cartaz do evento, no que se observa claramente que as entidades municipais só figuran como colaboradoras.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
