Foz.29-7-16.Este pasado xoves 28, ven de celebrarse o pleno da Corporación Municipal do mes de Xullo do Concello de Foz.
No punto número 2 da Orde do día figuraba a proposta de FPF para instar ó Ministerio de Agricultura, Alimentación e Medio Ambiente para a construción dunha rampla para acceder á praia dos Xuncos de Cangas. Unha praia que nos últimos anos non dispón de rampla de aceso para persoas con mobilidade reducida,sendo moitos os usuarios que nos denunciaron esta deficiencia.Hai que recordar que esta praia ata fai uns anos dispoñía desta rampla ,ata que un temporal a levou e dende aquela non foi reposta.Así mesmo esta deficiencia axudou para que esta praia non dispoña de bandeira azul como viña tendo nos últimos anos.Despois de debater esta moción entre todos os grupos saíu aprobada por unanimidade de toda a Corporación.
No punto número 3 da orde do día figuraba a proposta de FPF para instar ó Ministerio de Fomento a mellorar a seguridade viaria no cruce da N-642 coa zoa da Espiñeira. Nos últimos tempos puxéranse en contacto cos membros de FPF diferentes veciños desta zoa para transmitirnos, como numerosos vehículos non respectaban as normas de seguridade, tanto os que circulan dirección Barreiros coma algúns que saen en dirección Foz cando está totalmente prohibido.Así mesmo tamén se nos manifestou que algúns vehículos invaden o carril por motivo duns eucaliptos que hai na beira da estrada que vai dirección ó barrio da Espiñeira.Despois de debater esta moción aprobouse por unanimidade de toda a Corporación Municipal instar a fomento a que faga as xestións necesarias para mellorar as condicións de seguridade deste cruce incluíndo a corta dos eucaliptos existentes en dito cruce para mellorar a visibilidade.
No punto número 4 da orde do día figuraba a proposta de FPF para instar ó Concello de Foz a facer as xestións necesarias para mellorar a sinalización da parroquia de Nois.Na última reunión mantida cos representantes dos veciños da parroquia de Nois, fixéronnos chegar a queixa de que a sinalización vertical da parroquia de Nois ten numerosas deficiencias, o que fixo que trouxéramos a este pleno esta moción para corrixir todas estas deficiencias. Despois de debater esta moción aprobouse por unanimidade de toda a Corporación Municipal.
Manifestar tamén que como punto de urxencia o equipo de goberno levou o punto:Convenio de colaboración entre Augas de Galicia e Concello de Foz para iniciar o proceso de financiación,proxecto e construción da nova depuradora de residuais (EDAR). Neste punto FPF responsablemente para non retrasar mais o inicio de todos estes trámites e para poder ter canto antes a disposición da corporación e dos veciños o anteproxecto da nova EDAR votamos a favor de dito convenio.
Un pleno máis, todas as mocións de “Foz,Plataforma de Futuro” foron aprobadas, esperemos que o equipo de goberno tome boa nota, así como os distintos organismos instados, e corrixan estas deficiencias que os veciños denunciaron.
Foz, plataforma de futuro
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).