Foz, 30 de setembro de 2016.- O programa de dinamización lingüística ‘FalaRedes’, que impulsa a Secretaría Xeral de Política Lingüística en colaboración cos concellos adscritos á Rede de Dinamización Lingüística (RDL) da Xunta de Galicia, estrea esta fin de semana unha nova actividade. Trátase de ‘O rueiro das liortas’, a nova montaxe escénica da compañía Elefante Elegante que se poderá gozar mañá mesmo ás 19:00 horas na Casa da Cultura Poeta Manuel María de Foz e que chegará en exclusiva, ata finais de novembro, a dez concellos galegos.
Así o deron a coñecer esta mañá o secretario xeral de Política Lingüística, Valentín García, e mais o alcalde desta localidade mariñá, Javier Jorge Castiñeira, acompañados polos responsables da compañía Elefante Elegante, María Torres e Gonçalo Guerreiro.
García Gómez destacou diante dos micros de Radio Foz que esta quinta actividade do ‘FalaRedes’ “ten como obxectivos promover o uso e a valoración positiva da lingua propia de Galicia, especialmente entre a infancia e a mocidade, e encher o tempo de lecer con actividades de calidade no noso idioma”. O secretario xeral incidiu en que unha das liñas de traballo do seu departamento é a de “axudar a reforzar e consolidar a oferta de ocio en galego dos concellos implicados na promoción do uso da lingua con propostas novidosas que resulten atraentes para a xente nova, sempre da man dos artistas que apostan polo idioma como ferramenta da súa creatividade e que contribúen desde o desenvolvemento do seu labor profesional á normalización lingüística do galego”.
‘O rueiro das liortas’
‘O rueiro das liortas’ é unha proposta escénica inspirada na comedia da arte italiana e no teatro popular que afonda nas relacións de parella e nas dificultades para manter vivo o amor. O dinamismo dos elementos escenográficos que representan diferentes espazos, un actor e unha actriz que interpretan múltiples personaxes e un neno e unha nena que fan valer a súa verdade son os ingredientes para que esta comedia iniciática, vista desde unha óptica feminina, nos ofreza a súa particular visión dunha realidade na que as persoas teñen por afección meter o nariz onde non as chaman.
Na liña dos espectáculos creados por Elefante Elegante, teatro visual baseado no texto e no movemento, a peza busca a universalidade e fusiona a palabra con outras linguaxes coma o teatro físico, a danza ou as artes plásticas e visuais. Dirixida a todos os públicos desde os oito anos de idade, o obxectivo desta cuarta proposta do FalaRedes 2016 é que a cativada e a mocidade se acheguen ao teatro en lingua galega por medio dunha obra de coidada estética na que as emocións, os afectos, o humor e a palabra van dan man.
Teatro de calidade en galego para o lecer outonal
‘O rueiro das liortas’ poderase gozar durante este mes de outubro nos concellos de Foz, Vilaboa, Brión, Miño e San Cristovo de Cea e, xa en novembro, chegará a Negreira, Mesía (en colaboración coa Mancomunidade de Concellos da Comarca de Ordes), Carballedo, Barbadás e Castrelo de Miño.
Coma sempre no ‘FalaRedes’, a entrada é libre e de balde ata completar a capacidade das salas. Toda a información sobre a nova edición e o calendario completo de funcións xa están dispoñibles no Portal da Lingua Galega (www.lingua.gal), nas redes sociais do programa e na Axenda de Cultura de Galicia.
‘FalaRedes 2016′
O programa de dinamización lingüística ‘FalaRedes’ chega á súa quinta edición con novas propostas para gozar do tempo libre en galego que se desenvolven ao longo de todo o ano nos concellos da RDL. Os obxectivos de ‘FalaRedes’ son ampliar a oferta de ocio na nosa lingua, promover o seu uso e valoración positiva, fornecer o ámbito municipal de actividades de lecer en galego e apoiar os artistas que desenvolven o seu traballo no idioma propio de Galicia.
Ao longo deste ano, ‘FalaRedes’ puxo en marcha en case un cento de concellos da RDL as propostas ‘Todo me fala de ti’, ‘A viaxe de Rosalía’, ‘Xente miúda, moita fartura’ e ‘Os Bolechas van ás Olimpíadas’. Nas catro edicións anteriores, o programa chegou a todos os concellos que integran a RDL (que conta arestora con máis de 170 entidades adheridas), con preto de 700 actividades para público de diferentes idades.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
