FPF propoñen ao Concello de Foz “sumarse á petición da asociación CEAFA para ser un concello solidario co alzheimer”

MOCIÓN DO GRUPO MUNICIPAL DE “FOZ, PLATAFORMA DE FUTURO”,PARA PROPOÑER QUE O CONCELLO DE FOZ SE SUMA A PETICION DA ASOCIACIÓN “CEAFA”(Confederación Española de Asociacións de Familiares de persoas con Alzheimere outras Demencias)PARA SER UN CONCELLO SOLIDARIO CO ALZHEIMER.

O Grupo Municipal de Foz Plataforma de Futuro,Luís Alfonso Sixto Legaspi,JuanLuísGonzález Riveiro e María PeñaRubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:

EXPOSICIÓN DE MOTIVOS
• Conscientes de que o Alzheimer é a demencia con maior predominio que, na actualidade afecta en Galicia a 400.000 persoas entre enfermos e familiares e que, debido ao aumento da esperanza de vida da poboación, nos vindeiros vinte anos verá duplicada a súa incidencia, sendo este un problema especialmente grave en Galicia polo especial avellentamento e dispersión da poboación,
• Conscientes de que o Alzheimer é un problema socio-sanitario debido á inexistencia de tratamentos efectivos e posibilidades de prevención,
• Conscientes de que a abordaxe desta enfermidade -que ten un custo anual medio de máis de 30.000 euros- recae principalmente nas familias e que a dotación de recursos socio-sanitarios específicos para afrontar as necesidades das persoas enfermas e das súas familias é escasa,
• Conscientes de que, a pesar das diferentes recomendacións formuladas dende os diversos órganos nacionais e internacionais e do recoñecemento da importancia desta problemática na comunidade galega, non existe un plan autonómico especificamente dirixido a paliar os efectos desta enfermidade,
Sabedores/as de que a poboación de FOZ está a envellecer e que iso leva consigo importantes riscos á hora de adquirir ou padecer unha demencia (sobre todo tipo Alzheimer),
FOZ PLATAFORMA DE FUTURO quere facer constar o seu compromiso con este problema de primeira magnitude,pedindo que o Concello de FOZ sexa declarado “Localidade Solidaria co Alzheimer”.

Con este xesto institucional queremos servir de exemplo a outros concellos e apoiar á sensibilización e concienciación da sociedade, institucións e cargos públicos sobre este problema socio-sanitario de primeira magnitude. Ratificando esta Declaración, queremos que o Concello de FOZ se declare como “Localidade Solidaria co Alzheimer”, e así mesmo, apoia a iniciativa liderada pola CEAFA ,(Confederación Española de Asociacións de Familiares de persoas con Alzheimer e outras Demencias) que esta a solicitar a todos os municipios do país a sumarse a ser un concello solidario, para así unir forzas, pois dita confederación esta a reivindicara posta en marcha dunha Política de Estado do Alzheimer o goberno español ,entre os cales solicita que se conceda automaticamente o declararse a enfermidade o 33% de minusvalía e discapacidade .

Algo tan sinxelo como a aprobación desta proposta serve para dar un pasiño mais a colaboración desta xigante enfermidade que cada vez nos afecta as nosas xentes e familiares.

Por todo o anteriormente exposto propoñemos á Corporación Municipal a aprobación do seguinte acordo:
– A aprobación por parte da Corporación Municipal da Declaración de motivos anteriormente exposta.
– Dese traslado de tal acordo a CEAFA (Confederación Española de Asociacións de Familias de persoas con Alzheimer e outras Demencias).