O Palma Futsal converteuse no primeiro campión do Torneo Burela Bonita tras impoñerse este sábado na gran final ao Santiago Futsal nun partido cunha vibrante recta final na que os galegos fixeron perigar a vantaxe de 0-3 dos insulares con xogo de cinco.
Os aspirantes ao título plantáronse na pista con repartición clara de papeis: dominio, perigo e posesión balear fronte ás escasas ocasións e recursos dos composteláns. Xa no minuto 3, Rizo inaugurou o electrónico de vaselina e no 8 Paradynski puxo o 2-0 cun balón que rozou Chema sen conseguir atrapalo. Ambas as escuadras viviron a recta final da primeira parte con cinco faltas; o Santiago tivo nas zapatillas de Dani Montes a oportunidade de acurtar distancias a falta de 54 segundos, de dobre penalti, ante o sólido Barrón. Sobre a bucina o Palma puido marcar o terceiro, cun disparo de Paradynski desde saque de banda que se estrelou contra o pau.
Na continuación os de Santi Valladares subiron a presión defensiva para incomodar ás filas de Juanito; conseguiron mitigar o perigo insular durante o primeiros cinco minutos; os de verde aproveitaron unha contra cun dardo envelenado de Carlitos ao segundo pau que entrou na tentativa de Ismael por despexar. Os galegos buscaron a remontada nas recuperacións, sen éxito ante a rápida resposta do Palma no repregamento. Unha das mellores ocasións dos composteláns tívoa Armando no 32, que se marchou fóra. Reaccionaron entón os galegos con Álex Diz liderando o xogo de cinco e enseguida deu resultado; antes de cumprirse o minuto 35 Antonio Diz recortou. O Santiago non cesou no recurso de porteiro-xogador e volveu fornecer efecto, de novo con Antonio Diz a falta dun minuto para o final. Viviu Vista Alegre gran emoción dentro e fóra da pista na recta final
Ficha técnica
Palma Futsal: C. Barrón, Vadillo, Carlitos, Eloy Vermellas, Joselito, cinco inicial; tamén xogaron Favero, Tomaz, Rizo, Paradynski, Attos, Lolo Suazo, Helinho
Santiago Futsal: Chema, Tallón, Isma, Álex Diz, Armando, cinco inicial; tamén xogaron Dani Montes, Diego, Catela, Santi, Antonio Diz, Alemao, Mel.
Goles: 1-0, minuto 3, Rizo; 2-0, minuto 8, Paradynski; 3-0, minuto 25, Carlitos (p.p. de Ismael); 3-1, minuto 34, Antonio Diz, 3-2, minuto 38, Antonio Diz;
Árbitros: Ferrero Carballal (Pontevedra) // Montero Garrido (Vigo). Por Palma, amarela a Vadillo, Tomaz. Por Santiago amarela a Catela, Antonio Diz.
Incidencias: Final do Torneo Burela Bonita disputado en Vista Alegre ante uns 500 espectadores. O alcalde de Burela, Alfredo Chairo, e o presidente do Peixes Rubén, Manuel Branco, fixeron entrega dos trofeos.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
