Mondoñedo, 25 de novembro de 2016.- A alcaldesa de Mondoñedo, Elena Candia, e o presidente da Asociación de Empresarios da Primeira Transformación da Madeira de Lugo, Daniel Díaz Ramos, mantiveron unha reunión co director xeral de Educación, Formación Profesional e Innovación Educativa, Manuel Corredoira, e co secretario Xeral Técnico da Consellería de Cultura, Educación e Ordenación Universitaria, Jesús Oitaven Barcala, na que trataron sobre a necesidade de ampliar a oferta de formación profesional sobre o sector forestal. Así, dende Mondoñedo dan os primeiros pasos para crear no vindeiro curso un novo ciclo de formación profesional dual sobre o sector forestal.
O obxectivo é ampliar a oferta de formación profesional adaptada ás necesidades reais e dotar así ao sector forestal dunha masa potencial de traballadores cualificados para os postos operativos da actividade de aproveitamentos forestais, especialmente aqueles operarios de maquinaria forestal pesada. Ademais, a mecanización ao que se atopa sometido o sector e o forte investimento en innovación e tecnoloxías, requiren de formación que sexa eminentemente práctica con maquinaria punteira e de última xeración.
A alcaldesa de Mondoñedo, Elena Candia, explica que na xuntanza “mantivemos as primeiras conversas de cara a ampliar a oferta e adaptala o máximo posible as necesidades reais do sector. Imos da man coa Asociación da madeira e coa Xunta de Galicia”. Así, a rexedora local agradece a boa dispoñibilidade da Consellería que avalan a iniciativa e ofrecen as súas instalacións e todo o apoio necesario para a execución desta formación.
Candia tamén resalta a importancia de que esta proposta se estea a desenvolver en consenso co sector para adecuar o programa formativo o máximo posible ás necesidades das empresas, sendo esenciais as propostas da asociación da madeira, que colaborarían na impartición da formación e na prestación de maquinaria para a realización das prácticas. A rexedora agradece o dispoñibilidade e o compromiso da asociación e ponse á disposición para calquera axuda que se solicite ao Concello.
IES San Rosendo, referente na FP forestal
A rexedora defende que Mondoñedo é o lugar idóneo para a celebración desta formación, pola súa localización nunha zona eminentemente forestal, así como pola disposición e o equipamento do centro de secundaria IES San Rosendo, no que xa se imparten ciclos desta tipoloxía, como son o Ciclo Medio de Aproveitamento e Conservación do Medio Natural e Ciclo Superior de Xestión Forestal e do Medio Natural.
“Queremos potenciar o IES San Rosendo como un referente na formación profesional no sector forestal; estamos nunha zona qque ten moita proxección neste eido ao ser unha zona rica en forestal e o sector, ademais, demanda xente nova e cualificada, polo que pode ser unha saída boa laboral”, considera.
Liñas de formación
Na reunión definíronse varias liñas de formación sobre as que traballar. Mantivéronse as primeiras conversas para implantar FP dual no grao medio de Aproveitamento e Conservación do Medio Natural; adaptando este programa ás necesidades sectoriais indicadas pola asociación. De igual xeito, tamén se tratou sobre a formación AFD para desempregados e sobre a formación para a obtención do certificado de profesionalidade en aproveitamento forestais para o ano 2017.
Asistentes á reunión
Ademais da alcaldesa de Mondoñedo, do secretario xeral técnico da Consellería de Cultura, Educación e Ordenación Universitaria, e do presidente da Asociación de Empresarios da Primeira Transformación da Madeira de Lugo, na reunión tamén participaron, por parte do Concello, o edil de Educación, Xuventude e Novas Tecnoloxías, Alberto García e por parte da Xunta, o director xeral de Educación, Formación Profesional e Innovación Educativa, Manuel Corredoira López e a subdirectora xeral de Formación Profesional, Eugenia Pérez Fernández. Da Asociación de madeiristas tamén asistiron o vogal da Xunta Directiva, Daniel Villapol e a secretaria xeral, Nuria Rodríguez.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
