Ribadeo, 28 de decembro de 2016. Ribadeo aumenta en 84 as súas prazas de aloxamento coa construción dun hotel e a ampliación doutro na vila, e coa apertura dun cámping en Rinlo. As últimas xuntas de goberno concederon as licencias para levar adiante eses proxectos. O alcalde, Fernando Suárez, destacou que o sector hostaleiro se está a consolidar pouco a pouco en Ribadeo.
O rexedor contou que “nas xuntas de goberno destes últimos días o goberno municipal, dentro do ámbito das licencias de obra que concede, hai varias que creo que merece a pena destacar. Demos unha licenza para un novo hotel en Ribadeo, na rúa San Francisco, e a ampliación da capacidade doutro na rúa Lazurtegui, así como tamén se deu a licenza de obra para a construción dun novo cámping en Rinlo”.
Fernando Suárez sinalou que “en total son aproximadamente 34 prazas de aloxamento o que supoñen estes dous hoteis, e unhas 50 prazas o que supón este cámping. Estas cifras veñen incrementar as practicamente 1.700 prazas de aloxamento que ten Ribadeo no seu conxunto”.
Para o alcalde ribadense “isto lévanos a pensar o interese que segue espertando Ribadeo como destino turístico cada vez máis diversificado. Desde logo con moito que facer aínda, pero existindo de maneira diferenciada e singularizada para os milleiros de persoas que nos visitan ao longo do ano”.
Suárez Barcia subliñou que “Ribadeo ofrece calidade e con este esforzo que estamos tratando entre o público e o privado, imos paseniño consolidando un sector moi importante para Ribadeo. Esperemos que iso siga sendo unha fonte de traballo e de actividade sen prexuízo do moito que nos queda por mellorar e por facer”.
O rexedor ribadense asegurou que “estamos nese camiño día a día, facémolo rematando este ano 2016 e principiando con moita ilusión o 2017”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
