Lugo, 13 de xaneiro de 2017.- A Xunta de Galicia destinou máis de 100 millóns de euros ás políticas sociais desenvolvidas na provincia de Lugo durante o pasado ano, en concreto en recursos para persoas en situación de dependencia, prestacións asistenciais e de inclusión social, apoio á familia e á infancia e dinamización demográfica.
O delegado territorial, José Manuel Balseiro, fixo balance dos investimentos realizados no último exercicio e subliñou que “o firme compromiso da Xunta coa provincia de Lugo tradúcese tamén nunha aposta decidida por mellorar a calidade de vida daqueles que se atopan en situación máis vulnerable”.
Neste sentido, destacou que “só para os servizos de atención ás persoas en situación de dependencia a Xunta de Galicia inxecta máis de 51millóns de euros”.
Igualmente, afirmou, “destínanse máis de 38 millóns de euros ás distintas prestacións asistenciais para as persoas que máis as necesitan, a través do RISGA, das axudas de inclusión social e das pensións non contributivas”.
O delegado explicou que a Xunta reforzou a colaboración cos concellos “como porta de entrada das demandas da cidadanía en materia de políticas e apoios sociais”, con actuacións como o plan concertado para financiar a contratación de traballadoras e traballadores dos servizos sociais locais.
Polo que respecta á atención á infancia, matizou que ademais das prazas públicas que ofrecen as escolas infantís da Xunta, existen outros recursos para axudar ás familias economicamente e facilitar a conciliación, como o Bono Concilia e o Bono Coidado. Así mesmo, a Xunta colabora co sostemento dos puntos de atención á primeira infancia dos concellos (os PAIS). O Investimento neste apartado supera os 4 millóns de euros.
Balseiro incidiu no esforzo orzamentario que realizou o Goberno da Xunta en materia de servizos sociais durante os últimos anos “que permitiu incrementar os recursos e ferramentas ata ter unha capacidade de acción considerable”, se ben insistiu en que “mentres haxa persoas con necesidades por cubrir, haberá traballo por facer”.
Nesta liña, engadiu, “a Xunta é a administración con maior sensibilidade social da provincia, e cremos que é unha obriga de calquera administración responsable tratar de dar resposta ás necesidades que presentan as persoas que son máis vulnerables e que máis precisan do noso apoio”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
