Burela, 16 de xaneiro de 2017.- O alcalde de Burela, Alfredo Llano, fai unha valoración moi positiva das I Xornadas Tecnolóxicas que se están a celebrar no auditorio municipal durante todo o día de hoxe. Arredor de 550 estudantes chegados de centros de toda a provincia e tamén da Coruña, participan nesta cita que o rexedor agarda que teña continuidade, e que con carácter anual siga a celebrarse en Burela.
Para Alfredo Llano “é unha grande satisfacción para o Concello de Burela, e para min persoalmente, que se celebre no noso auditorio as I Xornadas Tecnolóxicas sobre novas tecnoloxías. Se abordan tres temas importantísimos como son hoxe en día as impresoras en tres dimensións, a robótica e os drons”.
O rexedor burelés considera que “é algo que hai que achegar á xente. En principio está enfocado para que todo o mundo que queira saber algo do tema poida achegarse ao auditorio, atender alí as prácticas e realizar os obradoiros, pero tamén vai moi enfocado á xente que agora mesmo está estudando formación profesional e sobre todo na rama industrial. Esta mañá puiden comprobar había moito alumnado de diferentes centros de toda a provincia de Lugo e incluso de fora”.
Llano pensa que “é unha iniciativa extraordinaria para contrastar e saber algo máis do que se traballa nas novas tecnoloxías, na repercusión social e laboral que poden ter. Estas xornadas penso que marcarán o inicio de algo que queremos que se alongue no tempo e que se celebren todos os anos en Burela”.
O alcalde quere “felicitar a Luis Pardo que foi un dos iniciadores, e a Concello de Burela tamén a través de José Díaz. Penso que estas xornadas van repercutir na vocación, na forma de ver as cousas de moita xente nova que está agora mesmo tratando de facerse profesional precisamente neste campo”.
Alfredo Llano asegurou que “é unha boa iniciativa e imos apoiala como debe ser desde o Concello para que siga a ser unha realidade durante moito tempo”.
O alcalde, o concelleiro de Educación, José Díaz, e Luis Pardo, de APP Informática foron os encargados de inaugurar as xornadas a primeira hora da mañá.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
