Burela 25-2-17. O Peñíscola Rehabmedic fraguó a súa vitoria nunha primeira parte equilibrada pero que reflectiu a racha de ambos equipos. Os locais amosaron a súa eficacia ofensiva e a súa fortuna mentres que o Pescados Rubén Burela non atopaba o último pase para xerar situacións de perigo e coa fortuna en contra. Moi pronto chegou a primeira embestida local xa que aos 2 minutos Rubén Orzáez situaba o 1-0 que encarrilou o triunfo local. O conxunto galego buscou a reacción ante un Peñíscola moi ordenado en defensa e que levou o partido ao ritmo que máis lle interesaba aínda que sen excesivo perigo en ataque. No minuto 12, Juan Emilio marcou o 2-0 mostrando a súa eficacia goleadora. Acto seguido o Burela optou polo xogo de cinco buscando cambiar a dinámica do choque pero unha acción individual de Terry gañando a liña de fondo e pase ao corazón do área que provocou o 3-0 co que se chegou ao descanso.
Na segunda parte o Pescados Rubén saltou á pista con maior agresividade e con xogo de cinoco pero, de novo, o Peñíscola foi máis contundente e nesta ocasión foi Míchel o que se aliou coa fortuna e o seu remate toca en Iago Rodríguez aumentando a vantaxe local. Co 4-0 o Pescados Rubén alternou o xogo de cinco, con diferentes protagonistas, e o Peñíscola replegou as súas liñas en busca do contragolpe definitivo. Sen moitas ocasións chegouse ao tramo final do partido cando Iago Rodríguez recortou distancias (4-1) desde o dobrepenalti. Con só dous minutos para a remontada o Burela volveu xogar de cinco e gozou dun par de ocasións claras para recortar distancias pero primeiro Carlitos e despois José Carlos topáronse cos reflexos de Iker. No último suspiro Míchel pechou o marcador co definitivo 5-1.
Ficha técnica
Peñíscola Rehabmedic: Iker, Lucas Bolo, Míchel, Rubén Orzáez, Juan Emilio -cinco inicial- Iván Rumbo, Fran Conde, Marquinho, Esteban, Terry, Raia.
Pescados Rubén Burela FS: Miñano, Isi, Iago Míguez, Iago Rodríguez, Antoñito -cinco inicial- Bellvert, Cuco, José Carlos, Carlitos, Hélder, Álex.
Goles: 1-0, m.2; Rubén Orzáez; 2-0, m.15, Juan Emilio; 3-0, m.18, Antoñito (p.p); 4-0, m.23, Iago Rodríguez (p.p); 4-1, m.38, Iago Rodríguez (dp); 5-1, m.40, Míchel.
Árbitros: Juan Cerdá, Martínez García. Tarxeta amarela a Cuco (m.10), José Carlos (m.19), Álex (m.31), Isi (m.40) no Pescados Rubén Burela. Tarxeta amarela a Juan Emilio (m.19), Iván Rumbo (m.38).
Incidencias: Partido correspondente á xornada 22 de Primeira División LNFS disputado no pavillón municipal de Peñíscola.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
