Burela, 24 de Marzo de 2017. Este Venres 24 de Marzo o voceiro de BNG en Burela ven de presentar no rexistro do concello de Burela moción relativa á creación do servizo de fisioterapia para o Centro de Saúde de Burela.
Foron as queixas veciñais as que fixeron que os nacionalistas se interesaran pola carencia deste servizo no centro burelao. “Despois de recibir informacións por parte dos veciños da situación, quixemos coñecer de primeira man cal era a realidade para ver que podíamos facer. Con esta moción reclamamos que se poña en marcha o servizo, necesario para moitos usuarios do Centro de Saúde” sinalou Mario Pillado, voceiro do BNG en Burela.
Débese ter en conta que tanto os burelaos coma os veciños do concello de Cervo, non poden acudir a centros de saúde da contorna, coma os de Ribadeo, Foz ou Viveiro, que si que contan co servizo de fisioterapia, “como non son usuarios adscritos a eses centros de saúde non teñen tampouco esa posibilidade polo que quedan sen sesións de fisioterapia, aínda cando lles son prescritas tanto en atención primaria como no servizo de traumatoloxía do Hospital da Costa” destacou Pillado.
Os nacionalistas instan a Concello e Xunta a dar unha solución.
Dada esta situación, dende o BNG queren mediante esta solución que as institucións que teñen competencias e intereses neste asunto poñan solución ó mesmo. E estas non son outras que a Xunta de Galiza e o Concello de Burela, as que teñen que xestionar para crear e dotar de instalacións e profesionais o servizo de fisioterapia no Centro de Saúde de Burela.
“Está claro que as competencias tenas a Xunta de Galiza mediante a Consellería de Saúde e o Sergas, pero o Concello de Burela tamén debe facer as xestións oportunas para que todo isto se leve a cabo, posto que está en xogo o benestar e o interese común dos veciños de Burela.” Rematou o voceiro nacionalista.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
