Burela, 2 de marzo de 2017. O Concello axudará nos trámites que se requiran aos produtores de pataca para dar cumprimento ao Real Decreto do Goberno que prohibirá a plantación deste tubérculo. O alcalde, Alfredo Llano, considera que é necesaria a implicación de todos para loitar contra esta praga.
O rexedor contou que “onte tivemos unha reunión informativa no salón de conferencias aquí de Burela sobre a couza guatemalteca na pataca. En Burela temos moita costume de plantar patacas, de feito hai unha moi boa fama lograda merecidamente. Onte houbo moita preocupación, moita asistencia dos veciños de Burela a esa charla que foi de información do que é a couza, cómo se trata, cómo se fai para identificala e cómo se fai para recoller o insecto, poder analizalo e tratalo”.
Alfredo Llano explicou que “as preguntas basicamente ían sobre qué se vai facer. Hai que ter en conta que aquí en Burela xa se plantou a pataca de cedo a finais de decembro ou primeiros de xaneiro, xa practicamente ten o ciclo completo e a finais de marzo estarán xa na casa. Estase agardando un Real Decreto, que se presume que vai saír este mes, e igual cando salga moitas das patacas que agora mesmo xa están plantadas seguro que xa están sacadas”.
O alcalde burelés manifestou que “a opinión xeral onte nesta charla era que chegaron un pouco tarde estas informacións, que deberan estar moito antes de ter plantado e que agora quizás é un pouco difícil de aplicar o Real Decreto ao cen por cen. A xente está moi preocupada. Espérase que haxa unha prohibición de plantar e polo tanto a xente está preocupada. Este tipo de charlas informativas deberíamos de telas xa moitísimo antes para que se soubera actuar no seu momento e incluso atallar esta praga”.
Llano anunciou que “no Concello de Burela facilitaremos posiblemente para a xente que queira facer a solicitude de aquilo que se lle vai requirir cando salga o decreto para que teña información suficiente dos papeis necesarios. O que se busca é unha solución e sobre todo implicarnos todos porque penso que o futuro depende de cómo tratemos agora esta praga. Hai que procurar que vaia desaparecendo o antes posible porque evidentemente trae unhas consecuencias, por un lado alimenticias porque a xente de aquí planta para o autoconsumo, e ten unhas consecuencias tamén económicas porque hai moita xente da comarca que está plantando para comercializar e para vender. É interesante erradicar o antes posible esta praga para que non afecte para nada en ningún destes dous aspectos”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
