Burela 9-3-17. O Pescados Rubén Burela FS é finalista na XXVI Copa Galicia tras impoñerse onte ao Prone Lugo AD nunha cita moi rifada que se decantou a favor dos mariñáns nos penaltis despois do 2-2 no tempo regulamentario. “Foi un partido moi emocionante, coma todos os derbis. Dispuxemos de moitísimas ocasións e ao final complicóusenos máis da conta por non estar acertados pero tamén polo gran partido do porteiro rival”, explicaba Isi, autor do 2-2 e do terceiro penalti para os laranxas.
Os de Tomás de Dios tiveron que estrelarse unha e outra contra o acerto dun inspirado Kelvin baixo os paus. Ata o inicio do segundo período o Pescados Rubén, con infinidade de ocasións, non puido perforar a rede; foi nas zapatillas de Renato, que cazou o esférico nun rexeite. O Prone reucuperou táboas, antes de chegar ao ecuador, de Kevin Rengifo, e púxose por diante con Jacob, en contragolpe. O xogo de cinco inmediato, con Antoñito á fronte, deulle o 2-2 aos laranxas na recta final cun lanzamento exterior de Isi.
Os de Tomás de Dios non erraron nos penaltis con Iago Rodríguez, Iago Míguez e Isi; nas filas luguesas Edu parou a primeira tentativa, de Jacob, e Caique acertou.
A segunda semifinal decidirase esta noite (21.00 horas) entre Noia FS e Santiago Futsal. A final está prevista para o 1 de maio, con sé pendente de confirmación. “Non teño ningunha preferencia de rival para a final; o que estamos desexando é xa xogar a final e que por fin poida chegar este título para Burela” sentenciaba Isi.
Os mariñáns retomarán os adestramentos o vindeiro luns, 13 de marzo, nunha semana con outra proba de ouro, coa visita á pista do pechacancelas, Bodegas Juan Gil Jumilla FS (6 puntos), o sábado ás 18.30 horas (xornada 24).
Ficha técnica
Prone Lugo AD: Kelvin, Jacob, Porto, Caique, Kevin Rengifo, cinco inicial; tamén xogaron Poti, Ary, Adrián, Luis Longo, Gilbert, Samuel
Pescados Rubén Burela FS: Edu, Iago Míguez, Bellvert, Antoñito, José Carlos, cinco inicial; tamén xogaron Isi, Iago Rodríguez, Carlitos, Cuco, Renato, Hélder
Goles: 1-0, minuto 22, Renato; 1-1, minuto 29, Kevin; 2-1, minuto 35, Jacob; 2-2, minuto 40, Isi. Penaltis: Iago Rodríguez (gol), Jacob (erro), Iago Míguez (gol), Caique (gol), Isi (gol)
Incidencias: Partido correspondente a semifinais de Copa Galicia disputado en Lugo.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
