O PP de Lourenzá alerta de que o concello perdeu unha subvención da Xunta para a contratación dun traballador en risco de exclusión social

LOURENZÁ, 18 de abril de 2017.- O Partido Popular de Lourenzá alerta de que o concello vén de perder unha nova subvención da Xunta de Galicia; o que para os populares supón “unha total deixadez e falta de xestión por parte da alcaldesa”. Concretamente, a axuda “desperdiciada” é a relativa á contratación dun traballador temporal en situación de exclusión social e perceptor da renda de integración social de Galicia (Risga), e que ascende a 9.311 euros.

“Lamentamos que non só se perda unha axuda fundamental para favorecer a inclusión dos beneficiarios, senón que se está desaproveitando unha oportunidade extraordinaria par paliar unha situación de necesidade”. É por este motivo, polo que engaden dende o grupo municipal do PP, que “esta alcaldesa non merece estar no posto que ocupa”.

“Nos temos que corren e coa situación económica que temos, os concellos son a institución máis cercana ao cidadán, por iso resulta inadmisible que unha alcaldesa se permita o luxo de non contratar a unha persoa que o está pasando mal. Isto os veciños teñen que sabelo. Teñen que saber que o Goberno local, no canto de optimizar os recursos, buscando a máxima eficacia e eficiecia e garantindo a calidade dos servizos, está dándolles as costas”, subliñan.

A contratación incluíase na vía de subvencións habilitada pola consellería de Economía, Emprego e Industria, segundo a cal os contratos terían unha duración de sete meses e a xornada sería do 75% da ordinaria. “Non podemos despreciar ningún recurso cando se trata de resolver problemas concretos, como pode ser dar traballo a unha familia que o está a ter serias dificultades”, insisten.

Máis axudas perdidas
Esta non é a única subvención da administración autonómica que o Goberno local “desaproveita” pola súa “nefasta xestión”. Proba delo, é que tal e como denunciaron en días pasados os populares, a entidade municipal tamén perdeu os 35.000 euros para o acondicionamento do aparcadoiro do cemiterio de San Adriano. Neste caso, ao igual que no anterior, a axuda distribúese por orde de presentación, ao non ser en réxime de concurrencia competitiva, pero a alcaldesa presentou a solicitude o último día do prazo, o que provocou que os veciños perdesen esta colaboración.

Grazas a esta subvención, incluída dentro do Plan específico extraordinario nos concellos de Galicia e se a entidade local actuase coa dilixencia que procede e non presentando a solicitude o 27 de xullo (o último día), recibiría a cantidade indicada, tendo que aportar tan só 7.350 euros. É dicir, que a administración autonómica sufragaría o 79% mentres que a endidade local tan só o 21% restante.