Ribadeo, 1 de xuño de 2017. A Asociación de Profesores de Automoción de Galicia (APAGA) presentou hoxe o proxecto Impulso a la empleabilidad no que está a traballar na actualidade. O obxectivo deste programa é axudar aos alumnos na adquisición de coñecementos, habilidades e competencias para lograr o seu desenrolo persoal e profesional, e acadar maiores niveis de empregabilidade no mercado do traballo europeo e fora del. O proxecto inclúe saídas formativas a Italia, Alemania, Croacia, Francia e Portugal, e nel participan catro centros de ensino galegos e outros de Murcia, Pamplona, Avilés e Madrid.
O presidente de APAGA, Álvaro Doural, explicou que “é un proxecto dentro do marco da Erasmus + que se denomina impulso á empregabilidade. É un proxecto a dous anos que empezou en xaneiro deste 2017 e rematará o 31 de decembro de 2018. Ten uns obxectivos moi claros. Por unha parte, impulsar a mellora das competencias lingüísticas, potenciar as redes internacionais de distintas institucións educativas e empresariais, e desde logo ser un elemento complementario á formación que se está levando a cabo nos centros educativos de FP”.
Doural dixo que “este proxecto está ideado para alumnos de formación básica e de grao medio da familia de transportes e mantemento de vehículos. Supón unha serie de estancias formativas dun mes en Italia, Alemaña, Francia e Portugal durante o 2017 e 2018.Está feito a través dun consorcio con oito centros educativos de Galicia, Murcia, Pamplona, Avilés e Madrid. Aquí de Galicia temos o centro integrado Coroso de Ribeira, o centro integrado Ferrol Terra, o IES Daviña Rei de Monforte e o IES de Chantada”.
O presidente de APAGA subliñou que “este proxecto tamén leva consigo unhas mobilidades de técnicos de empresas estranxeiras para impartir docencia nos centros españois. Son estancias de cinco días que van permitir que técnicos de Alemaña e Italia estean aquí nestes dous anos que dura o proxecto. Xa está posto en marcha porque hai dous alumnos do centro integrado de Avilés que están en Italia neste momento nunha empresa de carrocería, e tamén do IES Val do Asma de Chantada hai dous alumnos de formación básica en Lisboa. Ao longo do que queda deste ano, posiblemente nos meses de setembro, outubro e novembro, van saír outros alumnos tamén a facer estancias formativas, e durante o 2018. En Italia para estes dous anos hai 12 prazas, en Alemania 4, en Croacia 4, en Francia 4 e en Portugal 8”.
Álvaro Doural manifestou que “as axudas económicas do Erasmus + cubren o gasto de desprazamento, de manutención e estancia para o alumnado. Estamos aproveitando a rede que ten a asociación na Unión Europea e a través dela en Italia, Alemaña, Croacia, Francia e Portugal. É un plan de sostenibilidade despois dos proxectos que se fixeron de mobilidade de profesores. Danos a posibilidade de manter ese tipo de relación con estes socios europeos de poder enviar alumnos fora”.
Para o presidente de APAGA “trátase dun pequeno proxecto, pero cando remate haberá que avaliar os resultados. En principio as catro mobilidades que están en marcha están funcionando ben. Son socios que levan moito tempo de contacto con nosoutros e o grao de satisfacción dos alumnos é alto, están moi contentos. No caso de Portugal houbo un ofrecemento da empresa para que se querían quedarse alí os contrataban”.
Doural declarou que “se están intentando facer as cousas o mellor posible, pero as estancias formativas de alumnos sempre son máis complexas. Uniuse agora un novo centro ao consorcio, o centro Raúl Vázquez de Madrid, que é un dos centros integrados máis grandes que hai neste país porque ten desde ciclos de aviación ata ciclos de trens e de todo, é un centro exclusivamente dedicado á familia de mantemento de vehículos”.
No acto de presentación, celebrado no hotel O Cabazo, estiveron xunto a Álvaro Doural outros directivos de APAGA como Isidro Berdeal e Francisco Javier Rodríguez Fanego
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
